منتديات بني عمرو - يا غايب عني .. ولا لقيت لغيابك عذر

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - يا غايب عني .. ولا لقيت لغيابك عذر (https://forum.baniamro.co/showthread.php?t=97106)

يا غايب عني .. ولا لقيت لغيابك عذر

يا غايب عني .. ولا لقيت لغيابك عذر
مغير جفوه هزت اطراف الحشى وركونها

من غبت غابت فرحتي واجتاحني ضيم وكدر
يا قو قلبك غيبتك .. بالله وش مضمونها

تعال غذ عروق قلبي وكف عن درب الهجر
ارو الهشيم من العطش بسحب الغلا و مزونها

مد الوصل من جفوتك .. روحي تراها في خطر
لا ماتت عروق المحبه وش تفيد غصونها

لك الله ضقت وضاق كوني وعشت في غيابك قهر
وش خانت انفاس الغلا لاصرت منتب كونها

من دون نشوة اللقاء شوف المشاعر تحتضر
تحطمت كل الاماني وطاح حظي دونها

ما اقسى من جروح المفارق .. غير طعنه بالظهر
وما اصعب من دموع المحاجر غير لطمت نونها

وما اتعب من اهات الضمير احساس قلبي لا انكسر
لاكن دخيلك غيبتك.. بالله خف طعونها

لا تقول صابر والصبر محدود في قلوب البشر
لو ان صكات الليالي م عرفنا لونها

سلمت لك كلي وشلتك ي الغلا وسط الصدر
حبك وطن والكايده لجل الوطن يا هونها

طالت بي ابراج الشقا والبعد دامرني دمر
والا الامانه ماهقيت يبور بي مامونها

لولا الامل اقفت حياتي الي على بساط الفقر
لولا الغلاا ما جات روحي لك تزف شجونها

ان جيتني كل المشاعر تنثر ورود وزهر
وان رحت عني لك عذر ليلى جفت مجنونها

الله الله ي ابوحسن
ذوق راقي وقصيده رائعه تسلم على هالجمال..

صح لسانك ... أبو حسن

بداية شاعر قوية ..!!

اختيار موفق الله يسعدك

سلمت لك كلي وشلتك ي الغلا وسط الصدر
حبك وطن والكايده لجل الوطن يا هونها

طالت بي ابراج الشقا والبعد دامرني دمر
والا الامانه ماهقيت يبور بي مامونها

لولا الامل اقفت حياتي الي على بساط الفقر
لولا الغلاا ما جات روحي لك تزف شجونها

ان جيتني كل المشاعر تنثر ورود وزهر
وان رحت عني لك عذر ليلى جفت مجنونها

إختيار مميز
الف شكر لك
الله يعطيك العافيه

تراتيل

حياك الله واشكر لك حضورك وتشريفك

ولك تحيتي

الاشقر

حياك الله وصح بدنك
والقصيدة منقولة لو كنت باقول مثلها كانت علوم
ههههههههههههههه
تحيتي لك

بن ظافر

حياك ربي وسلمك

ولك تحيتي

عذبة الروح

الله يعافيك والشكر لك على تواجدك الكريم

تحيتي لك

ان جيتني كل المشاعر تنثر ورود وزهر
وان رحت عني لك عذر ليلى جفت مجنونها
...
تعال غذ عروق قلبي وكف عن درب الهجر
ارو الهشيم من العطش بسحب الغلا و مزونها
..

جميل مآسطر هناااااا ربي يسلم الايااادي
ويسعدك ي بوحسن

محبتي وتقديري لك

أتعبني غلاك

حياك ربي وسلمك وشكر لك حضورك وتشريفك
ودي وتقديري