الناقه اللي ما تبعها حوار وﻻ حليب = وش هو له اقنيها واطامر على تعليفها
الله يجعل لحمها صايغ في فم ذيب = والله ﻻ يرحمك يا من شرع تكليفها
كنت احسب ان الخير من صوبها سهل وقريب = اقدر عليه ويستمر العطاء ما أخيفها
لكن يا حسره تهايلت في الشك المريب = واتماثلت سلعه وﻻ اقدر على تصريفها
من باعها غشاش ما بيّن الشئ المعيب = وانا على الله خذتها ما سألته كيفها
هي غلطتي لكن من باعها ماهو غريب = كبير سن ومن قبيله يكرّم ضيفها
وأكيد ماهو من الجماعه وﻻ هو لي قريب = وﻻ تربى في جنوب البلاد وريفها
من ﻻبة معروفة شيخها اسمه شبيب = ونعم بها في الحرب معروف مضرب سيفها
وإن جيتهم في السلم تلقى الكرم يقفاه طيب = عزالله اني ما أظلم الناس في تصنيفها
لكن هذا الشخص من بينهم وضعه عجيب = ميت ضمير ونيته واضح تزييفها
وانا اعتبرها درس لي والفرص حظ ونصيب = وأهل الفرص ﻻزم تحافظ على توظيفها

غرمان بن عزيز

والكلمات المعهوده والرائعه التي طالما استمتعت
بقراءتها وإنتقاءاتها الجميله

تحياتي لشخصك الكريم