|
الطير مذبوح
يابوي من وجهي ترى الوضع مشروح
والحال شفته ما يبي / له تفاصيـــــــل لو كان بيدك طير والطير مجروح قلبك يحن الطير / والطير به حيل الخوف لا تلقاه في يوم مطروح ميت على كفك ودمعك مناهيــل سنه وخمس شهور عذبني البوح وانا حيــــاتي كلها ليل في / ليل شفني جسد واقف ولا عاد بي روح واللي بقى لي نبض بين المناحيــل لقيت مزنه قلت بـ اروى وباروح واثر الرعد والبرق ما يخلفه سيل تكحلت عيني على كثر مانوح غزير دمعي ما كفته المناديل وامسح بكم الثوب لاصار مفضوح عيبن تشوف الناس دمع الرياجيل ويابوي طيرك مات بالعشق مذبوح طعنات فرقا واضحه دون تحليل وما دامت الرسلان تطبخ بلى فوح والله ماتطرب هل البن / والهيـــل من الارشيف : وللرغبه من بعض الاخوان تم طرحها مع اني كنت متحفظ كثير على طرحها ولكن لعلها تنال استحسانكم جميعا وسلامتكم |
قمة قمة قمة ..
يسلم من طلب منك إحضارها .. قصيدة شكوى وشجن على أعلى مستوى .. ليت شعري على ماذا كان رسم هذا الأنين والضجيج القوي .. فعلاً الموقف الحقيقي لموضوع القصيدة يكون أقوى من الخيال لها .. أجزم أن لها موقفاً جعلك تصدح بهذا الفن الكبير .. قصيدة راقية رغم ألم دهاليزها إلاّ أنها أبرزت إمكانيات شاعر بشكل كبير جداً .. أبدعت فصح الله لسانك ولك تقديري .. |
الهرج ياصآلح كمآ وآبل النوح
نسمع ونينه من هنآ لوسط حآيل كنت آتمنى يكون معي وقت وآكمل الرد << يآوآثق هههههههه ماقول إلا ابدآع مُترف برقي المشآعر ونبض الآحساس ود وآكثر لـــ رسآم المشآعر |
لعل الطير سلم ونال المنال مادامها من الارشيف ؟ هههه
صح لسانك بارك الله فيك على ما بحت به . |
تسلم وتدوم ابيض وجه الله يعطيك العافية
وامسح بكم الثوب لاصار مفضوح عيبن تشوف الناس دمع الرياجيل ويابوي طيرك مات بالعشق مذبوح طعنات فرقا واضحه دون تحليل وما دامت الرسلان تطبخ بلى فوح والله ماتطرب هل البن / والهيـــل |
صح لسانك رسام المشاعر تقديري |
اقتباس:
اخوي الكبير واستاذنا الرائعه ابو ريان الرقي دائما يكمن في اطلالتك الرائعه على متصفحي لا خلا ولا عدم تحياتي لشخصك العزيز |
اقتباس:
الضاميه الشاعره الرائعه والمميزه صح لسانك على هذه الابيات الرائعه وانتي شاعره ولكن هناك شح منك في وضع ابياتك هنا المنتدى شاكرا لك مرورك العذب على متصفحي تقديري لك |
اقتباس:
الاخ الاكبر أبو فهد شكرا لك على مرورك الراقي على متصفحي وصح بدنك الحمد لله على كل حال تحياتي لشخصك الكريم |
اقتباس:
بن ظافر سلمت ولا هنت على مرورك العطر لا خلا ولا عدم تحياتي لك |
اقتباس:
ابن عياش شاعرنا الرائعه والمميز صح بدنك وسلمت على مرورك اخوي تحياتي لك |
صح لسانك بارك الله فيك على ما بحت به .
|
اقتباس:
صح بدنك أخوي شكرا لك ولمرورك الراقي تحياتي لك |
صح نبضك واحساسك رسام المشاعر
متصفح عانق السحاب بهالشامخه فالله درك ود بلا حد.. |
اقتباس:
تراتيل والحضور الشامخ والعبارات الرائعه من شاعرتنا الرائعه صح بدنك واشكرك على المرور تحياتي لك |
| الساعة الآن 08:41 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir