كم دمعةٍ فيها عتب ورسالة

حالتي في بعدك تراها حاله
هايم متيّم فالهوى يُرثى له

صبرت حتى مل مني صبري
في إنتظارك وانت عني داله

همي كبيرٍ كان ماتدري به
ودموع عيني كالمطر همّاله

هليت من زود إشتياقي دمعي
كم دمعةٍ فيها عتب ورساله

لعل لا وصلتك تشعر فيني
ترى صدودك ظلم لي وجهاله

ارجوك لاتحرم عيوني شوفك
ياليت تتكرم علي بإطلاله

لاتكسر فؤادي وتقتل حلمي
تكفى عليك الله لاتغتاله

والله لولا إنّك سكنت بقلبي
ماكنت في حبك وعشقك واله

نسّتيني ناسي وربعي واهلي
واللي يحب يصبر على ماجا له

عليه لايجزع ولا يتذّمر
إلين تحقق جميع آماله

مادام قلبه بالمحبه ينبض
كل مايريده في الأخير يناله


الشاعر/ مبروك بن سالم بن ماضي