|
ماقلت لك ..العمر مره بالعمر!
ماقِلت لِك ؟
وَحدِك غديْت النُور.. وَ الباقِي ظلامْ! وَ إنّ السّهر لابَانت خيُوط الفَجر.. يبْدا ينَام! يترِكني برُوحي أطيّر مِن حنينِي .. لِك حمَام! وَ أحمّله شُوق وَ سَلام! ** وَ ماقِلت لِك ؟ [ إنتَ الوَحيد] اللّي اشُوفه ذنْب مَهما إرتكَبته..مَا أحسّ إنّه حَرامْ! وَ ماقِلت لِك ؟ إن الحَـنين.. رمَاح ..... و إن الغِياب..أحبَاب! وَ إن الشعِر.. مِفتاح .. و إن القلوب.. أبوَاب! و إن الهنَا .. مالَه على قلبِي درُوب! وَ إن الحِزن فيني بنَى بلدَان و همُومي شعُوب! و إن الشعِر مالي غنَى عنّه .. وعنّه ما اتُوب! و إن الحَـنين اللّي بنَا أطهَر مسَاحات الذّنوبْ! و إن الشعِر مِثل الحِزن قسْمه وَ نصِيب! و إن المنَافي مع مرُور الوَقت تصبِح ديْرة أولادْ الغرِيب! و إن الصَبر مهْما يواصِلنا يجِي يُوم وَ يغِيب! يمْكن لأنّه ملّنا! وإلاّ الصّبر مَل الصّبر!؟ مَدري..! وَ لكن قِلت لكْ ..! ماقِلتلكْ ؟ أشيَائي الحُـلوه قلِيل , وَإنّك أحَد أشيائِي الحُلوه القلِيل معَاك أحسّ إنّي سَهَر ليْله طوُيل ! ألقىآ به لـِ حِزني خَليل ! وأحسّ فِي صَبري حطَب.. وَ أيّام غيباتِك فتِيل! مَدري مِتى يجتاحِني هَذا المَللْ؟! واحرقْ سنِين مِن الصّبر! وَماقِلت لكْ ؟ لَو جِيتني مرّه مطَر تلقانِي بدوٍ تنتِظرْ يستَبشرُون.. إنْ جَت مقادِيمك تغنّي عَن حضُورك يمّهم! مِن طُهرهم/ البَرق.. في تعريفُهم يعنِي حَياة! والغِيم..صُوته أغنيَات! من غِبت عنْهم عايشِين بهمّهم.! تفرّقوا .. صارُوا شَتات! وأنتْ الوحِيد اللّي تجِي وتلمهُم! وَماقِلت لكْ ؟ أشياء ثلاث باقِيه ماقلِت لكْ! إنّك مِثل حِزني..قدَر ! وَ إنّك مِثل ليليْ..سَهر ! وَ إنّك عُمر..و العُمر..مرّه بالعُمر! ..........................و العُمر..مرّه بالعُمر! ....................................... و العُمر..مرّه بالعُمر! |
يعطيك العافية ............. كلمات روعة
|
الله يعافيك يارب
شكرا لتواجدك الكريم |
اختيار موفق الله يعطيك العافية
|
| الساعة الآن 09:13 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir