منتديات بني عمرو - قصيده خاصه فى (000)

[poet font="Simplified Arabic,4,blue,normal,normal" bkcolor="transparent" bkimage="backgrounds/12.gif" border="inset,4,deeppink" type=0 line=200% align=center use=ex length=0 char="" num="0,black" filter=""]
قصيده خاصه فى (...)
خذلتك يابعد روحي وخنتك =تركتك والوفا عنوانك انتي
انا اللي بارخص الأثمان بعتك=وانا اللي صب لك سم وشربتي
انا اللي شلت سيف وبه طعنتك= وانا اللي مارحم دمع(ن) ذرفتي
انا اللي لا صرختي ما سمعتك=ولا حرك شعوري يوم صحتي
انا اللي لا نخيتيني خذلتك =ولا تلقين عندي اللي طلبتي
انا اللي ماعلى الظالم نصرتك=ولا ضمدت جرحك لا انجرحتي
انا اللي قدم لهيفاء وقتك=واهل دموع لو ضاع البنلتي
انا اللي في خيام الفن عفتك=وانا اللي صاح يابسكال دمتي
انا اللي في بريق المال شفتك =تزيد ارباحنا مهما خسرتي
انا اللي من على الشاشه حضنتك=ولا أدري في الحقيقه وين صرتي
احبك ....اي نعم والله عشقتك=على الشاشات وبقلبي اندفنتي
انا يا أمي الحلوه ذبحتك =ولدك العاق هذا اللي ولدتي
انا ماني لوحدي اللي تركتك=معي مليار مسلم لو نظرتي
تدور عن صلاح الدين بنتك =تبي فزعة اصيل اليا صرختي
فلسطين الحبيبه لا عدمتك=صلاح الدين ماااااات وباقي انتي
فلسطين الجريحه لو طلبتك =اكون الأول اللي له لعنتي
فهل عرفتم من انا ؟؟؟؟؟ ومن هي امي ؟؟؟؟؟
وكل عام والجميع بالف خير
منقول
[/poet]