|
أبوي وينه يا30 شعبان؟
أبوي وينه يا30 شعبان؟ ابوي وينه ياثلاثين شعبان ؟ ابسألك وشفيك عني خذيتيه ؟ خذاه ليل لوع القلب حرمان راح وقعدت ابكي مع الوقت وارثيه ضاقت عليك إلا خذيتي كحيلان ؟ اللي على كل المراجل مباديه زعيم ربعه بالوفاء طير حوران يشهد بطيبه ياملا فعل اياديه نزيه عرض مامشاء درب نقصان ماقد شكو شينه محارم عوانيه تشهد على طيبه عواني وجيران وتشهد له الشافه ومنهو مخاويه للضيف والخطار ماصك بيبان يحق لي ياليل يوم افتخر فيه خذاه عود كم خذا روس شجعان! اخذه وعني غيبه في نواحيه ذقت الزهد في غيبته ذقت الأحزان وقلبي عطيب صالي الهم كاويه اصبحت انا ويا المعاناه خلان نمشي على درب المقادير نطويه نشكي بعضنا نكتب الحزن قيفان نبكي زمان الويل نشكي بلاويه في وحدتي عانيت من جور الازمان اضحك واجامل واجحد الضيق واخفيه حزني سكني صرت له ارض واوطان وصدري بحر وهموم قلبي موانيه! وجروح قلبي ناجت الذيب سرحان يشكي عواها جوف صدر ومحانيه! ياليل قلبي تشتعل فيه نيران لامن خطر بالبال ذكره وطاريه ذكر العضيد اللي تحاشاه عدوان عزي وتاجي كان قمت اعتزي فيه ياليل تكفا جاوب القلب وجعان ابنشدك ياليل وشهي مواريه ؟! اسمع بصيته مالمحته بالأعيان وسط المهد راح وتركني اناديه اقول يابابا من اعماق ولسان عندي امل يرجع واشوفه والاقيه ! لكن عزاي انه كما حر شيهان ذكره فخرنا عزنا في مماشيه عسى منازيله بروح وريحان عند الولي من صالي النار ينجيه والعذر منك ياثلاثين شعبان ليلك حزين ونكرهه ماندانيه !! الشاعرة ..النادرة |
مرثيه راائعه بإحساس الفقد
شكرا لك طيف ويعطيك العافيه |
مرثيه مؤلمه جدآ ..ترق القلوب لها
سلمت يمناك طيوووفه.. |
انا اشهد :(
رحمه الله و اموات المسلمين .. |
الله يرحم كل من مات ويغفر لهم
تسلم الايادي مودتي |
شكراً لتواجدكم ..
تقديري.. |
عسى منازيله بروح وريحان
عند الولي من صالي النار ينجيه تسلم الأيادي الف شكر لكِ.. |
الله يرحم من مات ويعافي الحي ويغفر ذنوبان وزلاتنا
اقول يابابا من اعماق ولسان عندي امل يرجع واشوفه والاقيه ! لكن عزاي انه كما حر شيهان ذكره فخرنا عزنا في مماشيه عسى منازيله بروح وريحان عند الولي من صالي النار ينجيه والعذر منك ياثلاثين شعبان ليلك حزين ونكرهه ماندانيه !! |
| الساعة الآن 03:47 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir