منتديات بني عمرو - ضيعتني منك...

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - ضيعتني منك... (https://forum.baniamro.co/showthread.php?t=87980)

ضيعتني منك...

منقولة كماهي...

عقبال ياماخذ فؤادي مية عام ..
.. ضيعتني منك وانا ما اهتديتك

لا ..ما نسيتك كيف بانساك ما دام ..
.. ذكرى الفراق تهزني لو نسيتك

حبك قدر وانا على دين الاسلام ..
.. مكتوب في وجه الجبين ورضيتك

لك في الضمير الود والحشمه اتوام ..
.. ولي في ضميرك مثل ما انا بغيتك

ولك منزل في نايف القلب وخيام ..
.. وذود الغلا ترعاه ولا شكيتك

يفطر عليك القلب وان فارقك صام ..
.. والله لونك شوك سدره كليتك

القلب طير لادعي للهوى حام ..
.. والا انت وكره من كثر ماهويتك

كن العيون من النظر عقبك ايتام ..
.. وكني ماريت الا انت من يوم ريتك

وكنك معي وانا فقدتك من اعوام ..
.. مع الخيال القاك كني لقيتك

من صعب وصلك ما تهنيتك احلام ..
.. وان جابتك فزيت شوق ومحيتك

يعني وصالك صعب واهدافي اوهام ..
.. يعني زرعتك للقدر ماجنيتك

صبرك يقولون العرب كل الايام ..
.. يوم عليك ويوم لاجاك جيتك

ويا قلب ياللي ورثك اجروح وآلام ..
.. بليتني ماهو بانا اللي بليتك

ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لاابدلك وان جيتني ماشريتك

والا انت ياللي جيش عينيك مقدام ..
.. لا اقنعت منك والرجا مارجيتك

كني سجين بين..افراج ..واعدام ..
.. وكنك سجن وانا بنفسي بنيتك

تنبيك عن حالي محاصيل الالهام ..
.. وتخبرك نظراتي نهار التقيتك

عقب الوصال اللي على عين من لام ..
.. قدهو يكفيني عن الوصل صيتك

وقدني الى مريت بالشارع العام ..
.. لديت من ما في الضمير ودعيتك

ادري ان صوتي ماقطع عشرة اقدام ..
.. وادري بي اعود الى من نصيتك

ياشينها يامحني راس الابهام ..
.. ماقدر على شوفك وانا عند بيتك

الاعمار ما تضمن وانا اخاف الاحكام ..
.. ارثيك خاف اودعك ما رثيتك

يفطر عليك القلب وان فارقك صام ..
.. والله لونك شوك سدره كليتك

ابدااع ووصف جميل
صح لسسان الشااعر
وتسلم ايد الناااقل
تحيااتي

شكراً لحضورك
ولك الاحترام والتقدير

تسلم يا مبدع
تحيتي لسموك الكريم ,,

نص بغاية العذوبه والجمال
وإحساس رائع
سلم نبضك وبوحك الأنيق
ودمتhttp://www.7c7.com/vb/images/smilies/kn7.gif

الشكر والتقدير لكم جميعاً
وسعيد بتواجدكم هنا.

همساتك أحتوت الجمال من أول حروفها وحتى أخر نفس من حروفها ..!

أمتلئت بالتميز .. وأرتوت بالروعة .. وأكتملت أغصانها من
فيض ابداعك الجارف ..
قلمك هذا أغرقنا في بحوره ..وجعل قلوبنا تغوص في اعماقه ..حتى
أكتشفنا ما به من درر ..فكم كان بحر قلمك جميل!
الحرف لديك مبهر .. فسبحان من سخر الأبداع بين اناملك ..وسبحان
جعل القلم مبهر بين يديك الجميلتين ..
قد أذهلت الحروف بما خطتهُ يمينك .. وأذهلت القلوب بأحساسك
وأذهلت العقول بشعورك المميز ..
فروعة بوحك.. يخبرنا بأن خيالك.. وقلبك.. وروحك
هما اللذين يصنعون الأبداع في عالم البوح ..!
وشعورك رائع يجبر الحروف على الاتساق مع نبضك.. وخيالك

فاجدني هنا أقف متاملة ومنبهرهه بمايحدث بين السطور ..

فاعذرني بالوقوف طويلاً هنا في مدارج بوحك المتألق..
شكراً لك على روعة هذه الهمسات .. وشكراً لك على ما امتعتينا به من أحاسيس يصعب على اي كائن وصفها ..
كون بخير وكون ناثره للجمال

تحياتي المعطره بشذى الياسمين
http://dl9.glitter-graphics.net/pub/...y2dlo7wkjl.gif

أبيات رائعه
صح لسان شاعرها
سلمت يداكـ

ألف شكر لكم وأتمنى السعادة للجميع .

رآئعه بكل ماتعنيه الكلمه..
شكرآ بحجم السماء على هذا النقل الجميل..
دمت بخير

شكراً لك وتقبلي التقدير