منتديات بني عمرو - حمد البريدي..وش عذرك..؟؟!!

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - حمد البريدي..وش عذرك..؟؟!! (https://forum.baniamro.co/showthread.php?t=87612)

حمد البريدي..وش عذرك..؟؟!!

http://up.ksanew.com/uploads/13153789031.gif

( وش عذرك )

لا غبت عني وانا مشتاق وش عذرك
يوم انت حالف بربك .. ما تخليني !!
نذر على رقبتي .. ونذرا مهو نذرك
انك ما حسيت في شوقي ولا فيني
مسافة الشوق .. لـ المشتاق تختصرك
وتوزعك في حشاي .. وفي شرايني
غطت ثلوجك طبوعك واختفى جمرك
ما عادك اللي ليا من غبت .. يدعيني
افكر اختبرك .. واخاف لـ اختبرك
اخاف باقي غلاك .. يطيح من عيني
تعال بين الضلوع العوج .. شف قدرك
قصر من الحب .. يبنى لك ويبنيني
ما ودي اقول في بعدك .. غريب امرك
ودي لو اسمع صدا ( يا من يراعيني )
اعتبرك الروح .. ولا شتبغي اعتبرك
ما دمت يا اغلى الخلايق مني وفيني
انا اكثر انسان .. قدرّ قلبك وطهرك
وانت اكثر انسان فاهمني ومغنيني
مأسور بالحب .. لكن افتخر بأسرك
كبلت قلبي قبل لا تكبل ايديني
فالليله المظلمه .. يكفي سنا بدرك
وفالليله البارده .. قربك يدفيني
قدلي وانا احاولك وآقف على نهرك
ارويتني مره .. وناظرك ترويني
لقاك وحكاك والجو ان خذا عطرك
ثلاثة اشياء .. تقتلني وتحييني
خذني من الناس .. وادخلني وسط صدرك
لا تخلي البعد ياتي بينك .. وبيني
تقول لي يا فديت عيونك وشعرك
وقصايدي فيك .. ذكراها مشقيني
ماني بهتم .. ( كم عمري , وكم عمرك )
عطني سنينك وانا بهدي لك .. سنيني
كم لي وانا احتاج لك واشتاق وانتظرك
واتذكر آخر لقا وايديك بايديني
يا كبر تقديرك بقلبي .. وكبر اجرك
لا جيتني بالوصال وشافتك عيني

الله الله ..ع الجرح ..
يسلموو راقتني حييل
طررح بقمة الإبداع ,,

جمال في كل نآحية
شآكرة لكِي من القلب
ودام ذوقك ينزف اعذب ما لديه
بين طيات هذه الواحة
في شوق مستمر لحروفك ونزفكــ

نعم الا ختيار الله يعطيك العافية لا خــلا ولا عــدم

خذني من الناس .. وادخلني وسط صدرك
لا تخلي البعد ياتي بينك .. وبيني
تقول لي يا فديت عيونك وشعرك
وقصايدي فيك .. ذكراها مشقيني
ماني بهتم .. ( كم عمري , وكم عمرك )
عطني سنينك وانا بهدي لك .. سنيني
كم لي وانا احتاج لك واشتاق وانتظرك
واتذكر آخر لقا وايديك بايديني
يا كبر تقديرك بقلبي .. وكبر اجرك
لا جيتني بالوصال وشافتك عيني

أبيات رائعه
صح لسان شاعرها
تسلم الأياادي..

راقين بحضوركم وبرأيكم الكريم
الف شكر لكم على هالاطلاله الجميله ولاخلا ولاعدم..