إذا ضحكنا قيل عنا مجانين=وإذا بكينا ضحكوا الشامتينا
صرنا نعاني في جميع الميادين=هذا يراقبنا وذا يزدرينا
ناس على هدم المبادي سبوقين=غير الشتايم منّهم وش لقينا
إذا اعتذرنا قالوا انا بخيلين=وإذا عطينا ما دروا وش عطينا
بالأمس كانوا يحملونا في العين=أيام كانت تحتضنهم يدينا
واليوم صار الوضع شين على شين=من بعد نقص المال محد يبينا
ما يدروا ان الوقت يابوك يومين=يوم لنا يمشي ويوم علينا
في عصرك أختلت جميع الموازين=واحنا بشينين العلوم ابتلينا
وين الرجال الصادقين الميامين=أهل العلو والعز دنيا ودينا
واليوم حنا وين عنهم وهم وين=يا ليتنا من عذب ماهم روينا
با لله ويش الحل يا كل غالين=ما دامنا عن حالنا ما درينا

المشاركة الأصلية كتبت بواسطة الكعبية (المشاركة 1084950) صح لسانك وسلم بنانك قصيده معبرة جدا لك تقديرنا الجم

الغالية على الجميع
أشكرك شكرا جزيل على مرورك
وحضورك الجميلين بارك الله فيك
وبيض الله وجهك على متابعتك مشاركاتي
دمتي بكل خير وسعادة

المشاركة الأصلية كتبت بواسطة تَرَاتِيِــــلٌ‏ (المشاركة 1085040) صح لسانك ابو علي ولك شكري وتقديري..

تراتيل بارك الله فيك وفي حضورك الرائع
وأشكرك شكرا جزيل على متابعتك هنا وهناك
دمتي بكل خير وسعادة وتقبلي تحياتي

المشاركة الأصلية كتبت بواسطة سد الوادي (المشاركة 1085139) يعطيك العافية وصح لسانك على القصيدة الراائعة ولك تحيتي

سد الوادي بيض الله وجهك على مرورك
وأشكرك من أعماقي على حضورك
شرفني ذلك بارك الله فيك ولك فائق التقدير

المشاركة الأصلية كتبت بواسطة المسكت (المشاركة 1085216) رائع ابو علي دوماً لله درك صح الله لسانك ولا عدمنااك مودتي

يـــاابـوعـلي لاهنت والعــلم فـي لـــيـــن ** والخير باقي نلمسـه مـن سنينــا
نمشي على ممشى الرجال الكريمين ** اللي لـهـم ذكــرن يـخـلـد بـزينـــــــا
وخـلك مـن اللي يـشبــه اللي بنـابيــن ** مــاغـير ينبح جعله ابـضاربينـــا