منتديات بني عمرو - كوكيز الزنجبيل ~ من عمايل ايديّه ..

هاااااي والله من زمان عن قسمي المحبوب ( المطبخ ) ..

بصراحه انا كان نفسي من زمان اتعلم طريقة عمل الكوكيز ولمن اتابع التلفزيون او اليوتيوب او حتى النت القى طرق صعبه و طويله و تضيّع ..

فجلست احاول و اعدل و ابدل الين ما طلعت بوصفه اخترعتها و جربتها و الحمدالله النتيجه وااااااااجهت و طلعت مره كويسه و لذيذه ..

طبعا هي اول مره اعمل كوكيز حبيت اسوي كوكيز بالزنجبيل بما اننا في موسم برد و احب نكهة الزنجبيل و ريحته ..

فالمعذره لو كانت الكوكيز مش مرتبه و ان شاالله عقبال مااسوي كوكيز بالإم اند امز ..:) و الهيرشي كيسيز ..

المقادير مع الطريقه :

اصبع زبده ذايب بحرارة الغرفه.. كاسة سكر .. نخلطها مع بعض لحد ما تتجانس .. نضيف بيضتين و نخلط .. نضيف زنجبيل بودره ( مااحبه فاضفت زنجبيل اخضر مهروووس مره , تقريبا اضفت 3 ملاعق صغيره )

في صينيه ثانيه .. ننخل كاستين دقيق + ملعقه صغيره قرفه مطحونه + ملعقتين صغيره بيكنق باودر + 1 ملعقه صغيره بيكربونات الصودا + رشة فانيليا ..

بعد ما نخلتهم مع بعض اضفتهم للزبده و اخواتها .. حركت المزيج بملعقه عاديه شوي بس ..حتى امتزجت ..

طيب في صينية فرن ( تيفال او مدري شسمها السوداء ) حطي ورق زبده .. اذا عندك ملعقة الايسكريم خذي من العجينه و حطيها بالصينيه بس خليها زي ماهي لا تضغطينها باصابعك لانها راح تصغر في الفرن .. اذا ماعندك ملعقة الايسكريم خذي بيدك و كوريها و حطيها بالصينيه نفس الشي بدوووون ضغط ..

دخليها الفرن لمدة ربع ساعة فقط او عشر دقايق .. و من فوق ليصير لونها ذهبي بس ..

طلعيها و خليها لحد ما تبرد لا تحركينها بعدين بالعاااافيه قديمها بوقتها او احفظيها في برطمان مدري وشسمه ..

http://im29.gulfup.com/WKet1.jpg

http://im29.gulfup.com/XdtA2.jpg

اشكالها مو مرتبه بس عشان اول مره والله :d