الصبر يا بيشة لو الجرح جرحين=في بن جميع و بو علي كلها اقدار
الجرح غاير ينزف الطاق طاقين=يالله تعين اللي على الفقد صبار
اكبودنا متفتته لاجل الاثنين=و عيوننا ذابت من الدمع مدرار
ما به ملامه لو بقينا حزينين=الي فقدناهم عزيزين وخيار
كل الخساير هينه ما عدا الدين=واهله و رافع رايته عز واصرار
يا بيشة الفيحا ديار المحبين=في الله صبرك عاالبلاوي والامرار
الاجر ثابت و الشدايد تبي اتلين=ويعوضنا من يعلم السر وجهار
واحبابنا عالخير كانوا مقيمين=واعمالهم تشهد بها الدار والجار
ما مثلهم يبكى و تدمع له العين=المثلنا يبكى لتقصير واصرار
ولا زلت بارثي حالنا يالفهيمين=ابليس يرمينا على الخزي والعار
غفله وربكه هايجين مجانين=واليا وصلنا للصدَقْ ما به اعذار
وإلى متى التسويف و كلام بعدين ؟=العمر يجري والمقادير زوار
يالله يا رحمن يا قاضي الدين=اغفر لنا ولهم و با عد بنا النار
ويا الله ثبتنا على الدين و تعين =حتى نلاقيك و كتبنا فالابرار

المشاركة الأصلية كتبت بواسطة أبو ريان (المشاركة 1073452) الله أكبر ولا إله إلاّ الله توكلنا عليه .. اللهم إنا مؤمنين بقضاءه وقدره .. رحمة الله عليهما وأسكنهما فسيح جناته آمين .. اللهم أحسن عزاء أهلهم وذويهم .. صح لسانك أبو نايف على هذه المرثية اللغير مستغربة من شاعر مبدع مثلك .. تقديري ..

المشاركة الأصلية كتبت بواسطة تَرَاتِيِــــلٌ‏ (المشاركة 1073455) صح لسانك شاعرنا القدير.. الله يرحمه ويسكنه فيس جناته والله يلهم اهله وعائلته الصبر والسلوان إنه ولي ذلك والقادر عليه ..

المشاركة الأصلية كتبت بواسطة سد الوادي (المشاركة 1073648) رحمهم الله واسكنهم فسيح جناته وغفر لنا ولهم وصح لسانك على القصيدة الراائعة ولك تحيتي

مــــــا بــــــه مـــلامـــه لـــــــو بـقــيــنــا حـزيــنــيــن=الــــــــــي فــقــدنـــاهـــم عـــزيـــزيــــن وخـــــيـــــار