على نفس الرصيف اللي قريته من ثمان سنين= وقفت أستدرج أطراف الوجع واستدعي أطيافه
هنا : طقّة كعب .. علكه .. حكاية مزنه وياسين=هنا : شحاذ من عصر التداعي .. ضيّع لحافه
هنا : دمعه رماها عابرٍ .. مارفرفت لا لحين=هنا : جرة عصا .. للشايب اللي ذلّت اطرافه
هنا : ضحكة عبير .. وصرخة المحتاج لريالين=تلمّه في عرق .. باص السبيل .. وغيره يعافه
هنا : كلمة هلا .. وهناك طالق .. بعدها ياشين=هنا : تنهيدة انثى .. شاتها سادي بلا رافه
هنا : البارح مَشَوْا.. مد الرقم .. صاحت به وبعدين=ضحك .. حنّت .. خذت غدره .. تلفّت ماحدٍ شافه
هنا : طفل نفض .. كل الحبر من علبة التلوين=لاجل يكتب بلادي .. وانمحت بسعال عرّافه
هنا : صيحة جليل .. لفّه المأمور بطراقين=لأنه مالقي .. صورة بطاقة .. تثبت اوصافه
هنا : شلة قصايد .. خانها شاعر .. وسد الدين=بها ريحة رصيفٍ .. والزقاير شاهد إنصافه
هنا : كان التعب .. يهدي التحايا ..لآخر الماشين= وانا .. كنت الوحيد .. اللي مشى وانهدّت اكتافه
على نفس الرصيف اللي قريته من ثمان سنين= وقفت أستدرج أطراف الوجع واستدعي أطيافه

هنا : كان التعب .. يهدي التحايا ..لآخر الماشيـن
وانا .. كنت الوحيد .. اللي مشى وانهدّت اكتافـه
على نفس الرصيف اللي قريته مـن ثمـان سنيـن
وقفت أستدرج أطراف الوجع واستدعـي أطيافـه


[كلمات رائعه اخوى بوسلطان لاعدمناك

دائما ننتظر جديدك

تقبل خالص تحياتى

اخوك / الساهر

هنا : كان التعب .. يهدي التحايا ..لآخر الماشيـن
وانا .. كنت الوحيد .. اللي مشى وانهدّت اكتافـه
على نفس الرصيف اللي قريته مـن ثمـان سنيـن
وقفت أستدرج أطراف الوجع واستدعـي أطيافـه


أبو سلطان صراحة أنا أعزج عن وصف إعجابي بما تثرينا به من قصائد

رائعه و منبثقه من إنسان تعجز اللسان في وصفه ...

ولكن لي طلب وهو أن تحاول أن تجمع لنا ما تكتبه من قصائد

ويطرح في ديوان خاص .. وشكرا الحب الحب