|
عجوز من زينها
السلام عليكم ورحمه الله وبركاته تحكي احدى الاخوات : وحده من قرايبنا حرمه ملتزمه وتخاف الله نحسبها كذلك راحت موعود لمستشفى تكشف عن الم في صدرها يعني (الرئه ) الله يكفينا شر المرض مهم وكان عند دكتور الطلاب يقدمون للأمتياز دخلت قربيتي ويوم دخلت وشافت اربعه من شباب جالسين (هي كبيره في السن 56 سنه ) قال لها الطبيب تجلس على السرير وأمرها بكشف وجهها والصدر وهي تناظر لزوجها وقالت له اشلون اكشف عن وجهي قدام هالرجال عاد صدري انا مظطره ولدكتور بس وشلون قدام هالرجال جاء الطبيب وقال اكشفي وذولا الشباب يقدمون للامتياز قالت مااني كاشفه ورفض زوجها ومع شده الكلام قال الطبيب وتكشف ((يعني عجوز ومن زينها)) قالها بلهجته هنا جن جنون الزوج وقام بشكوى الطبيب الى الآداره ومع محاوله لتهدئه الامور لكن الزوج رفض ومن هولاء الشباب شاب صالح وصادق وشهد مع الزوج ان الدكتور أساء لزوجته ومع اصرار الزوج في شكواه تم فصل الدكتور من مستشفى ونقله نقل تأديبي لمنطقه الثانيه بيض الله وجهه من زوج حر ووجه من شهد معه على سفه هذا الطبيب |
اولا الطب رساله إنسانيه يجب إيصالها بكل امانه
ثانياً اللطف والاحترام وحسن التعامل مطلب اساسي بل واجب في الطب يعلمني واحد مرافق مع مريض بمستشفى يقول كلهم عجزه او حالات ميؤس منها المهم يقول عليهم متابعه فقط يقول عجوز قريبه من الغرفه اللي انا مرافق فيها جتها كتمه واصبحت تطلع صوت زي الصرير كذا تبي تتنفس وماهي قادره يقول تسمع صوتها في السيب كله يقول ويجي دكتور اردني مدري فلسطيني وهو داخل يزهم على ممرض سوداني ويقول تعال نوقف صوت الغُنى هذا يقصد صوت العجوز المسكينه أسأل الله أن ينتقم ممن هذا تعامله وعمله |
ألف شكر على هذا الموضوع القيم كم من طبيب حسن السمعة والصفات مر عليه منهم الكثير ولكن يطلع ممرض أو ممرضه أو طبيب يخرب على البقية كان لي بعض المواقف ولكن حلت في وقتها ومن رجال يشهد لهم |
قاتلهم الله
وستر امهاتنا ونساء المسلمين |
ذكرتيني بوحده عندها عملية زائدة وقالت مبغى الدكتور يكشف عليه فقالها مصيرك تتخدرين واشوفك كلك ..
حسبي الله عليه وعلى أمثاله .. |
حسبنا الله ونعم الوكيل
من المفترض يرفض من الاول عند وجود الطلاب وأخراجهم من الغرفه قبل كل شيء هذا من أبسط حقوقه أو عدم حضورهم عند الكشف مودتي |
المفروض يكون في فصل بين النساء والرجال في المستشفى والحريم مايكشف عليهم الا حريم مثلهم و لاتقولون صعبه الحين كل التخصصات الطبيه متوفره للبنات و اللي خلانا نقدر نفصل بين الجنسين في التعليم من اولى ابتدائي للجامعه بيخلينا نقدر نفصل بينهم في الطب
مافي شي صعب و ياما دكتورات افضل وامهر من الرجال مليون مره |
الله المستعان بعض الناس يصيبه الغرور اذا كان عنده وظيفة او مهنة فينسى انه مسئول عن كلامه وشكرا لمن عاقبه ومن شهد عليه .
بارك الله فيك . |
حسبي الله ونعم الوكيل على منهم بشاكلة
هذا الدكتور شكراً لكِ |
هذا سباك ..مو دكتور ..
وما شاء الله على هالزوج كيف استطاع يضبط نفسه والملفت انو من بين اربعه ذكور طلع رجل واحد وشهد بالحق بيض الله وجه .. بعيد عن تجاوزات هذا السباك جهل المواطن والمريض بحقوقه مشكله صحيح الحاجه تجبرك احيانا ولكن تفرط في حقوقك قانون الكشفي الطبي في جميع انحاء العالم لا يكشف الطبيب الا بوجود ممرضة وفي مكان يضمن خصوصية المريض ولا يكون هناك خلوة حتى في الدول التي لا تعترف بالاديان يشترط وجود الممرضة وعدم اختلاء الطبيب بالمريض ويقسم على ذلك فما بالك عندنا اضافة على ذلك يحكمنا الدين الاسلامي نقله لمكان اخر يمارس نفس السلوك هذا ليس حل .. كان يجب ابعاده عن ممارسة المهنة ولكن من تحاكي على قول المثل !!! وزارة فاشلة ..بدون رقابة وقبل ذلك بدون ضمير ويا بلادي واصلي بس كثرت المطبات |
حياكم الله جميعا |
| الساعة الآن 07:58 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir