يا الله يا منشي الرواسي المزابين=وانشيت مزنٍ عمّ الارض الهشيمة
اتدلني للزين واقضي به الدين=واختار من جزل البيوت الحكيمة
منقية ما كنها الا المزايين=إلي لها في القلب قدرٍ وقيمة
واسوقها لاهل الوفاء و الميامين=لا بو محمد والصداقة حميمة
أبياتكم وصلت على الراس والعين=بحروف من نور الضحى في الظليمة
وصّيت لا توصي حريص الشياهين=إلي بمرقى كل نايف هميمة
ننحت على الصْخرُ و بحَرْنَا ميادين=وإلْنا على مرمى الهقاوي شكيمة
إما على وضح النقاء جات با للين=مثل النديم إلي يلاطف نديمه
ولا تجي غصبٍ بسطوة سلاطين=عزم الغريم اللي يدوّر غريمه
واعوذ بالله من وزيز الشياطين=وابرا من اهل المخطية و الشتيمة
والشين ما هو طبعنا يا الفهيمين=يخسى و يعقب عقبْة اهل النميمة

المشاركة الأصلية كتبت بواسطة أبو ريان (المشاركة 1029445) سلمت وصح الله لسانك .. الله من قصيدة والله من شاعر ما شاء الله تبارك الله .. القصيدة وافية ونقيّة كنقاء شاعرها .. اللغة قوية جداً وفارهة بقوة والمعاني درر والذوق رفيع جداً .. أنا أشهد إنك شاعر ما عليه كلام ما شاء الله .. لله درك وصح لسانك وطاب حالك ولك تقديري ..

المشاركة الأصلية كتبت بواسطة يـمك دروبي (المشاركة 1029593) الله الله أبيات مذهله وإحساس عذب وكالعاده تأتي بالجمال بعزفك ي أنيق صح نبضك http://www.7c7.com/vb/images/smilies/kn7.gif

المشاركة الأصلية كتبت بواسطة بن ظافر (المشاركة 1029655) سلمت وصح الله لسانك الله يعطيك العافية يا الغالي