منتديات بني عمرو - يقولون لي ضاقت....

نعم الاختيار الله يعطيك العافية
يقولون لي ضاقت وأنا أقول مفروجه
وعندي يقين إن الله اللي يفرجها
خيول الامل عندي على طول مسروج
ونفسي تفاؤلها مع الناس يبهجها
لو أن الزمن قاسي والاوضاع محروجه
عسى الله علينا ما يضيق مخارجها
لقيت الصبر ينفع مع الضيق منتوجه
بصبر عليها بالمساير وأدرجها
وباانهج دروب دوم بالطيب منهوجه
دروب النشامى اللي على العز منهجها
اداريك ياراسي عن الميل والعوجه
ماابى الناس لاشافتك تكثر لجالجها
ياراسي تسامى واترك اللاش وهروجه
مادام انك دروب الفخرتسلك أبلجها
فضا الله وسع لسالكه واسلك فجوجه
هو اللي لخير الخلق سهل معارجها
انا خابرك ماتقبل علوم ممجوجه
تنقى خيار السالفة قبل تهرجها
توكل على ربك ولو ضاع مفروجه
هو اللي يضيقها هو اللي يفرجها