|
اسماء سميتموها!!!
السلام عليكم ورحمة الله دخلت مدرسة ابتدائية وبسبب موقف ما التم حولي عدد من الصغيرات السعوديات وبينهم طفلة شقراء ملامحها اجنبية صرفة كان شكلها ملفت للانتباه بين الصغيرات وعرفت انها امريكية الاصل كنت افكر هل هي تتحدث العربية ام لا؟ حتى لا ابين اهتمامي بها بين الصغيرات طلبت انهم يعرفوني باسمائهن جميعا اسماء عجيبة غريبة تميل الى النطق الاجنبي عن العربي ليس فيها أي اصالة ولا معنى واضح الا الطفلة الامريكية تفاجأت ان اسمها ((خديجة)) اخبروني ان ابويها حديثي عهد بالاسلام وفضلو الاقامة في السعودية مستمسكين بكل ما يثبت هويتهم الاسلامية الحديثة نسال الله لنا ولهم الثبات ظاهرة الاسماء الغريبة الباهتة انتشرت في المجتمع اسماء غريبة يتناقلها الناس بلا وعي كان المسلمون في عهد النبوة يتفاءلون بالاسم ومعناه واكثر الاسماء الدخيلة الغريبة ليس لها معنى ليتفاءل به وليست من فكر المسمي نفسه ولا من ابداعه بل تتنقل من مسمى الى مسمي بانتظار الاراء |
ألف شكر على هــذا الموضوع الله يعطيك العافية
كثير من إلا سماء تغيرت وحتى بعض العادات للا سف في السلام والكلام والملابس اقسم بالله أشياء دخيلة علينا إنها تقطع القلب ويقلون هذا العصر حتى ملابس الرجال فيها أنوع الزخرفة والنقوش عام 1422هــ مر علية مسافر وعائلته واثناء تفتيش حقيبه من الكبار وجت بين الملابس الداخلية شيء مخيف قلت أكيد قضية ولكن للا سف طلعت روايح فواكه جلست اضحك على نفسي الرجال يقول كل شيء تغير أخي العزيز .اللهم استرنا فوق الأرض وتحت الأرض ويوم العرض |
يعطيك العافية
وكلامك واقعي وصحيح ولو نظرنا للاجانب الذين دخلوا الاسلام حديثا لوجدنا اسمائهم رائعة وهي الاسماء العربية الاصيلة والمؤسف دخول الاسماء الغريبة علينا وانتشرت بشكل كبير وكل اسرة عند اقتراب مولود تبدأ في التفكير عن اسم جديد لم يسمى به احد من قبل في الاقارب او الجيران او القرية او الحارة اصبح الوضع من باب خالف تعرف . تحيتي لك |
والكثير الكثير عندما تقول له وش اسم امك اذا رزق ببنت تكون مثلاُ فاطمه او عزيزه او عائشه تقله سم على امك يقلك قديم امك قديم يالهطفاء إللي لولا الله ثم هي كان لا انت ولا بنتك موجودين
الحقيقه عندنا اسماء بعضها ماله معنى ويتفاخرون واحيان يقلك مابي اسمي الاسم ذا ال فلان مثلاً سموه وين نجلس نجيب لكم اسماء حديثه الله يصلح الحال |
والمشكلة يوجدون لها مبررات تسكت معها .
من يقول هذا اسم ورود او اسم سحابه او او او ... تعود تقول امنا بالله . وانا اتصور اذا كبرن يقال لها يا جدة ... ؟!!!! . مشكلتنا مع الخيل يا شقرا . يعطيك العافية . |
تغيير الاسماء لايوجد ألا في أسماء الاناث بكثره.
شي طبيعي ولاكن تكون منحدره من اصل عربي.. ولا كان كل الحريم بأسماء متقاربه.. ولاكن يجب مراعات الاسماء الحلوه في المعنى والنطق... أحد الزملاء مسمي بنته ( ميرال )؟؟؟ |
صدقتي اختي
لنا كم سنه وعندنا دفعه غريبه لين ليان لونا لانا لانه وماادري متى يخلص هالاسم باقي شكلهم بيفرعون له وإذا قلتي وش هالاسم الغريب قالك سحاب وفضه وابن الغزال والعوده وهي شاطحة مالها اي علاقه فيها..وآخرأسم سمعت فيه مساهير شكل امها جابتها وهي تسمر هههههههههههههه تقديري لك.. |
شوفي احنا صرنا زي الصينيين ..
نطقطق كم حرف ورى بعض و يصير اسم لا معنى و لا ذوق .. وحده من صديقاتي جتها بنت و كانت تسالنا وش تسمي تبي اقتراح .. قلتلها سمي بنتك ( شرف ) اسم مره حلوه معنى و لفظاً .. قالت وع قديم و مدري ايش و سمت بنتها روز قلتلها طيب روز معنها ورده يختي سمي ورده من اولها و ريحينا .. ... انا عن نفسي ان شاالله اول بنت لي بتكون على امي ان شاالله لبى قلبها اسمها حلو و معروف مو لازم يكون جديد :) شاء من شاء و ابى من ابى .. |
اقتباس:
اشكر لك الحضور وتقبل الله منك الدعاء |
اقتباس:
من يدخل الاسلام عن قناعة ينجذب نحو كل ما يدل على انه مسلم شكرا لحضورك وتعليقك |
اقتباس:
يتفاخرون بالاسم؟ والله الاسم لا يرفع ولا يخفض اذا كان الاسم في وادي والمسمى في وادي آخر شكرا لك عالحضور |
اقتباس:
اشكر لك الحضور والتعليق |
اقتباس:
(ميرال) اسم تركي معناه الغزالة الصغيرة لو سمى غزالة بالعربي احسن شكرا لك |
اقتباس:
حياك الله لونا اسم حليب ما اعتقد ان احد بيسمي فيه بالمناسبة وحدة كانت حامل ورزقت ببنت وبعد ست شهور قابلتها سالتها عن اش سميتي الصغيرة ؟ قالت (لا لسة ) بهذا النطق قلت ست شهور ولسه ما سميت البنت؟ قالت الا سميتها (لاليسا) ووضحته قلت الله يعينها شكرا لك على تعليقك الطريف |
اقتباس:
ان شاء الله يرزقك ربي من اسم امه مثل اسم امك وكلا يسمي على امه ونفرح بك قريب ان شاء الله وبالتوفيق لك |
| الساعة الآن 01:25 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir