|
سر خوفي !؟!
مساكم الله وصبحكم بالخير اذا طلعت للبرية تجيني جنية صغيرة على هيئة ارنب ههههه وتعطيني بعض العلوم وانا احسبه شعر قلت اخليكم تشاركوني فيه قصيدة بعنوان ( ســر خوفي ) آمل ان تلقى استحسانكم ومن كان له رغبة بالنقد والتعديل فهو بحل ولي شرف ذلكـ ,, انا لا انقح ما اكتب بل امون واضعه هنا مباشرة وللاحبة حق النقد والملاحظة بس اهم شيء ما تودونها قسم المحذوفات بعد ملاحظاتكم ساعيد كتابتها في نهاية المتصفح مع تقدير مغليكم ســر خوفي في ديــرة ٍ مـــابهـا شـرطي ولابـه عســس ............................. ما غيـــر انــا والثــريـا والثــرا والهجــوس شــبّيت نــــار(ن) تلــوع البـن حتى انحمــس .............................. مابين بيض النجـــوم وبين صفر الطعـوس يــا واحــــــد ٍ لا ينــــام ولا غفـــى لا نعـــس ............................ ما ينكشــف ســر مخلـــوق ٍ ومنكـ اللبـــوس عبــدكـ حبس دمــع عينه وانهمــر ما انحبس ............................ ماهي مـذلّــة ولكن " خــوف يــوم ٍ عبــوس " قلبــــه اذا هبــت الذكــرى عليــه انغــمـــس ........................... في بحــر الاحـــزان شطّـه بؤس والموج بؤس واذا تذكّـــر سـنيــن ماضيـــة كنهـــــا امــس ........................... يفز بين الضلـــوع أشـــبه بــذيب امحبـــــوس معْ انْ ســــــاقه مبـــرّى م الدنــا والدنــس ........................... لا طب مرقص يهــــود ولا ملاهــي مجـــوس لكنه انســــان له مطلب ورغبــــة وحـــس ........................... يقيــس ويعــــز نفسه واعتبــــر بالــــدروس يضحـكـ يجـــامل يعـــاتب يفتخــر يفتـرس ........................... ناس ٍ لها ضحــكـ سن ! وناس قــوة ضـروس ياما نفـــــوس ٍ تعاتبنـــــــــا لطـــول النَفَـــس ............................ نسكت فطـــول النَفَس شيمة عـزاز النفوس ويـامــــا بيـــــوتٍ لقينـــــــاها بليــــا حــــرس ........................... ابوابـهـــا مشـــرعة مسـمـوح فيها الجلــوس نمــر والله مــا حتى ضربنـــــــــــا الجــــــرس .......................... خــوف ٍ من الله وعـــزة نفـس وإجـــلال روس صحيح لي في دروب العشــق لحن ومجـس .......................... تسحـــرني العيــن واكـــره بايعين الدسـوس مغرم بصيد الضبــــا مولــــع بعســـف الفـرس .......................... راسي مع البـــــــدر والبيــــداء عليهـا ندوس واليـــــوم مليت من درب الشــــــقا والفلـــس ......................... ماعــــــاد به صحبـةٍ تصفى بغيـــــر الفلـــوس اخــــذت من دنيتي لوعــــــة وضحكــــة ونس ......................... اسقتني المـــر والحــــالي بشتى الكــــؤوس يا نفس كفـــي وعفــي واستــــــريحي وبــس ......................... يكفي عذاب السنين وطول ليـل وشمـــــوس اما هـــديتي حربتــــــــكـ بالقنــــا والقبـــــــس .......................... ما همني لو تشب الصـــدر حــرب ٍ ضــروس درب الشكــــالة يبي نمــــــرة ثقيــلــة وتـرس ......................... تحن فيه الجيــــــــوب وما تجيـــه الجمــــوس والله ما خفت من مخلـــــوق قـــــام او جلس ............................ لكني " اخـــاف من ربي ويـــــوم ٍ عبــــوس " وسلامتكم جميع . |
يشرفني ان اكون من اول المتصفحين
وأهلا بذلك الاحساس الجميل والذي لايحتاج الى تنقيح وأجمل مايكون أن تكون القصيده بإحساسها الاول عندما ينالها التعديل والتنقيح تفقد الكثير من حلاوتها صح الله لسانك مليون ولا يسدوون إحترامي |
صح لسانك وصح قلبك يآنقي
الشعر جماله بقلمك الباذخ وتصويرك مهندسنا وله نكهه وطعم يتذوقه عشاق قلمك يآألق نسجت النص بقالب شعري وأطربتنا بمعزوفتك الرائعه ود بـــلا حــــــــــــــد ..:010305123602: |
والله ما خفت من مخلـــــوق قـــــام او جلس
............................ لكني " اخـــاف من ربي ويـــــوم ٍ عبــــوس " طيب طيب يااابش مهندس صح لساانك والله على هالابيات |
مدرسة مدرسة مدرسة ..
من مواطن الجمال في القصيدة كونها سهل ممتنع .. وكونها تلعب بأعصاب القارئ فلا هو متأكد من وصوله لها ولا هو حاس ببعده عن مضمونها .. بصراحة أعجبتني قافيةً وغزارةً ومعنى ودقة وفي كل شئ .. لاغرابة من أهل القم أن يتأثروا بعبور الهواء أحياناً فيصدحوا له بأعذب صدى إمّا رداً لجميل براده وإمّا ذكراً وتعبيراً عن ردة فعل القمة فقط .. صح لسانك وطاب حالك ولك تقديري .. |
صح لسانك مهندس
هذي على الطاير .. أجل لو دققت وتمعنت وش بتجيب الف شكر لك على جمال الاحساس الوحداني والرباني مودتي |
.*.
حَتَى الْكَلِمَاتْ تتَدَفَقُ ذُهُولَاً بِـ جَمَالِ مَاتقَاطَرَ هُنَا عَمِيّقَةْ تِلِكَ الْقَصِيدَةْ , تحتَاجُ إلَى عُمقْ الْقِرَاءَةْ والَإطِلَاعْ الْكَثِيّفْ القدير / مهندس الحرف أترَفتَ الْمعَانِيْ بِـ سحِرْ مُفرَداتك صَحَ قَلمُكَ عَلَى هذّهِ الْدُررْ وشُكرَاً مَددَاً لَا عَدَدَاً ,’ |
الله الله عليك يا مهندس كعادتك مذهل ومتجدد
ومختلف تماسك لفضي ومعنوي وانسيابية وانتقال سليم بين المواضيع حتى اكتمال الفكرة المطلع قوي يجبر القارئ على اكمال قراءة القصيدة ارى مفردة (الحطب) كانت في موقف ضعيف وهي بين العملاقين الثريا والهجوس اشوف (الثرى) افضل خصوصاً ان قافية البيت الثاني هي الطعوس وجهة نظر فقط على هذة الكلمة ليصبح المطلع في ديــرة ٍ مـــابهـا شـرطي ولابـه عســس ............................. ما غيـــر انــا والثــريـا والثرا والهجــوس شــبّيت نــــار(ن) تلــوع البـن حتى انحمــس .............................. مابين بيض النجـــوم وبين صفر الطعـوس مجرد راي لا اجزم بصحته ولا ينتقص من هذه الدرة الثمينة شئ بيض الله وجهك |
اقتباس:
أنا من يتشرف بهذا المرور العطر مديرنا الغالي اشكر تواضعكم ولكم فائق احترامي |
اقتباس:
شهادة شخة القصيد .. وسام يُحمل على الصدر اجل الشكر وفائق التقدير |
اقتباس:
حياكـ يا المهنــا ,, ملكـ الصوت العذب اسعدني مروركـ غالينا كل تقديري |
اقتباس:
ابو ريان مجرد حضوركم لمتصفحي المتواضع شرف وتعليقكم رفع من اسهم الموضوع غالينا سر خاص لابي ريان .. لقد تم حذف ثلاثة ابيات من متن القصيدة خوفا من أن تُغضب الخالق ولا ترضي بعض المخلوقين ولهذا لم تفكـ شفرة البيت الثاني فكان هناكـ بعض الارتباكـ في تسلسل الاحداث !! لكنه اخف الضررين نعشق مداخلة وتعليق العملاق كل .. بل فائق الاحترام استاذي |
اقتباس:
ابو زياد شكرا لهذا المرور الكريم حفظكم الله ورعاكم |
صح لسانك مهندس الكلمة
تسلم يمينك ولا عدمناك .. تحياتي ,, |
اقتباس:
حينما يتوسطـ البدر السماء تذوب الغيوم وتذهب الهموم وتنتظم النبضات ! كلمة شكرا قليلة ,, |
| الساعة الآن 02:52 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir