يا الله أنا باشكيك حال الخلايق=حال من الضيقات والهم محّسوس
جفّت ينابيعٍ وذبلت حدايق=والعشب من زود الضماء صار ميبوس
عقب الخضار اللي كسى ذا المناطق=والغربي اللي ينعش الروح نسنوس
اتقول شبّت في عمومه حرايق=حتى غدا لونه مثلْ بنّ محموس
والقلب لامن لدّ في الأرض ضايق =هول الغبار اللي فيَ الجو مكبوس
يا الله في غيثٍ غزيرٍ يعانق=شمّ الجبال اللي لها العشب ملبوس
لا زاع نوّه محكمٍ بالوثايق=مدبول بالخيرات ماهو بمنحوس
ينعش نفوسٍ في نزوله يسابق=ادموعها قطره ليا صار منكّوس
دعوة منادٍ في دجا الليل واثق=باجابتك يالله ما هو بميؤس

اتـــقــــول شـــبّــــت فـــــــي عــمــومـــه حــــرايــــق
حــتــى غـــــدا لــونـــه مــثـــلْ بـــــنّ مـحــمــوس




نص راقي وهادف
صح لســـانكـ مشرفنا ونســأل الله أن يغيث البلاد والعباد

لكم كل الود والاحترام

المشاركة الأصلية كتبت بواسطة أبو ريان (المشاركة 1005854) الشاعر الرائع سعيد بن عوض .. أينما تحل يحل الإبداع .. أمتعتنا بشعر العرضة والمحاورات وهنا تحضر فتقد درس نموذجي متفّرد الجمال .. كلمتك راقية واحساسك جميل ونصوصك الشعرية مدرسة خاصة .. لله درك وصح لسانك ولك تقديري ..

المشاركة الأصلية كتبت بواسطة خالد بن مشرف (المشاركة 1006338) جفت ينابيع وذبلت حدايق من العيار الثقيل الله يرحمنا برحمته ابدعت كعادتك يا ابوفارس

المشاركة الأصلية كتبت بواسطة المهندســ (المشاركة 1006383) اتـــقــــول شـــبّــــت فـــــــي عــمــومـــه حــــرايــــق حــتــى غـــــدا لــونـــه مــثـــلْ بـــــنّ مـحــمــوس نص راقي وهادف صح لســـانكـ مشرفنا ونســأل الله أن يغيث البلاد والعباد لكم كل الود والاحترام

الله يصح بدنك مهندسنا الغالي

والله يقبل دعاك

شاكرا لك مرورك الكريم ,,,