|
تجـين نقـفّـل أبـواب الفـراق ونبلع المفتاح
تجين نشاور أهداب السحاب اللي جلس يرتاح وش أحلا لون فص الشمس وإلا لون وجناتك تجـين نعـلّم التوت المشمشي ونزخرف التفاح ونشـرح بالكـرز والثلج كيف تسيل ضحكاتك تجـين نجدّل خيوط الشعاع ونكسـر المصباح ونشـعل في حنـايا العمر نور زهور خطواتك تجـين نقـفّـل أبـواب الفـراق ونبلع المفتاح بعد مانسـترد اللي من أحلام الوصل فـاتك تجـين نحـارب الدنيـا ومن فيها بدون سلاح انا بالحب وإنتي بالجـمال وسـحـر نظـراتك تجـين بفالنا الطيب نقوّم حظنا لو طاح ونربـط في جناحين الأمل شـرطان هقواتك تجـين نغمض عـيون القلوب ونتبع الأرواح وأراهن شـمسـك أني لأزور أبعـد مـداراتك تجـين نصارح القمرى بنور ظلالك الوضـاح ونكشـف للسـحاب ان البروق اسـباب لفتاتك تجين نسـابق أنـوار الفنـار لنظـرة الملاح ونكتب للـسـفر مافـيك لـّذه غـير آهـاتك تجين أبدل الباقي بعـمري عـمرك اللي راح وأكـون أول حـبيب ٍ في نهـايـاته بدايـاتك تجين نعد كم نجم ٍ تعثر في سناك وطاح وكم بـدر ٍ تمـنى لو قبـالـه مثل تقـفـاتك وتجين نشاور أهداب السحاب اللي عجز يرتاح يحسب الصبح نور الشمس وهو ظلال وجناتك مماراق لي هــذا المساء |
إختيار رائع...
الله يعطيك العافيهـ.. |
عــذبــة الـــروح..الف شكر على المرور الكريم بارك الله فيك
|
اوب
صدقت يوم انك فصلت البارح خخخخخخخخخ الله يعطيك العافيه رائعه ....... |
تجين أبدل الباقي بعـمري عـمرك اللي راح وأكـون أول حـبيب ٍ في نهـايـاته بدايـاتك رائع بن ظافر وماطرحت رائع .. قصيده بصور جماليه وخيال واسع لله درك ورفع قدر ... لمالمسته من هذا الاختيار تسلم الايادي مودتي |
capitano ..ابو زياااد2009
تشرفت بمروركم الغالي الله يعطيكم العافية |
هاوي يا بو ظافر
إحساسك راائع وإختيارك جميل جمل الله حالك ولاعدمنااك إحترامي |
المدير العام..شرفني مرورك الغالي الله يعطيك العافية
|
| الساعة الآن 08:28 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir