منتديات بني عمرو - فقدت الامل في عودتك يا حبيب الروح !!!!

منتديات بني عمرو (https://forum.baniamro.co/index.php)

- همس القوافي (https://forum.baniamro.co/forumdisplay.php?f=137)

- - فقدت الامل في عودتك يا حبيب الروح !!!! (https://forum.baniamro.co/showthread.php?t=80716)

فقدت الامل في عودتك يا حبيب الروح !!!!

. .
.
فقدت الامل في عودتك يا حبيب الروح
ولاشك هذي رغبتك وانت راعيها
.
وعز الله اني من سبب غيبتك مجروح
جروح ٍ كثيرة ما لقت من يداويها
.
وعز الله انْ مالك بتعذيبنا مصلوح
وعز الله اني بعدكم رايح ٍ فيها
.
بدينا العلاقة نحسب ان الغرام مزوح
واثاريه شي ٍ لا غزا الروح ينهيها
.
عذابي لفقدك في دموعي غدا مشروح
دموع ٍ لهيب الوجد والشوق يدعيها
.
نحاول نخـبّي والشقا باين ٍ مفضوح
بداخل عيونٍ قلة النوم تشقيها
.
وليت الشقا وقـّـف على حد دمع ونوح
ولكن له آثار ٍ بجوفي مسويها
.
عليم الله ان الصدر قِـدْر ٍ ومنه الفوح
يذيب الحنايا والمعاليق يصليها
.
عذاب ٍ ولا يوصفه كثر الحكي والبوح
ولا حس بالنيران يا كود واطيها
.
فياليتك تعوّد وذنبك ترى مدموح
وتترك نوايا بالجفا صرت ناويها !
. .
.
نزفتها مشاعر /
راجي الوصل
. . .
تجدوني في الفيس بوك على هذا الرابط :
http://www.facebook.com/profile.php?id=1383061321&ref=tn_tnmn

الف شكر الله يعطيك العافية وصح لسانك
نحاول نخـبّي والشقا باين ٍ مفضوح
بداخل عيونٍ قلة النوم تشقيها
.
وليت الشقا وقـّـف على حد دمع ونوح
ولكن له آثار ٍ بجوفي مسويها
.
عليم الله ان الصدر قِـدْر ٍ ومنه الفوح
يذيب الحنايا والمعاليق يصليها
.
عذاب ٍ ولا يوصفه كثر الحكي والبوح
ولا حس بالنيران يا كود واطيها
.
فياليتك تعوّد وذنبك ترى مدموح
وتترك نوايا بالجفا صرت ناويها !

بكل حالاتك راائع ياعلي
والوجد في مشاعرك جميل

شكراً لك ولاعدمنااك والله

إحترامي

لله درك راجي الوصل
وصح لسانك على هالدررره
متابعين لك ..دمت موفق..

صح لسانك وإعتلا شانك....ابيات رائعهـ،،