وقف وخل الدم يروي الجياعي !!
 

اعيش في حلم الخيا ل الصناعي

واجمع احطامه واعمر قصوره

فكري يهندسها ويسند ذراعي

تجمعوا بنتــاج فكره وصــوره

احيان اراعي الود في قلب راعي

راعي شعوري وانا راعي شعوره

يشفق على صوتي ويحسن سماعي

يسبح في بحوري وانا اسبح بحوره

واحيان لي نظره وفكر اجتماعي

ولا خير في شاعر ما يدلي بشوره

راعي الوفاء يبشر وفعله يذاعي

وان كان ما ذعناه ربي يجوره

وراعي الردا يلقى بعلمه سناعي

اسنعه بالضيم ويشوف جوره

وسجل بقسم الشريعه انصياعي

في كل ما يثبت بسنه وسوره

وفي كلمة للحق لا اسمع ولا اعي

بقولها والزور يجزاه زوره

والجار له ذمه ولا به خداعي

يقوم في دوري وانا اقوم دوره

ويا قاطع الارحام ما لك شراعي

سفينتك في البحر ما هي محذوره

وان كان تبغي رضوة الله وتاعي

شايبك وامك لا تعيش محقوره

ارخصلهم مالك وجاهك وساعي

ارضايهم ورضاة ربي مخشوره

واشتر رفيق الدين واحذر يباعي

من يوفي الله كيف تنقص شبوره

ولا تامن الي في دروب الضياعي

غاوي عسى الله يرحمه من فجوره

ومن دون ربعك لا يصيبك جزاعي

ما يجزع الصنديد اذا شاف ثوره

وقف وخل الدم يروي الجياعي

خل العدو يختار عنـــدك قبوره

والطيب لاهل الطيب راس الطماعي

هي طمعت الرجال واغلى بذوره

هذي وداعينا وصون الوداعي

دنياك لا تلهيك غنوه وكـــوره

واختم بذكر الي به الدين شاعي

محمد الي شاع بالكون نوره

بن ظافر

صح الله بدنك
حضورك وتشريفك لمواضيعي تاج على راسي يالغالي

لك كل التقدير

صح لسانكـ,, ودام منطوقكـ

قصيده جزلهـ,,ومعاني رائعه

الف شكر

يسبح في بحوري وانا اسبح بحوره

http://img102.herosh.com/2011/11/16/689533224.gif


قصيده رائعه .. بروعه الشاعر

وصيت بالوالدين اغلا كلام..وختم بالصلاه على اغلا البشر

بس استفسار صغير ونت في الصوره تقنص ما تعبت ايدك خلا ص ارم وتوكل على الله < ههههههه

كل الشكر والتقدير لك على هذا الطرح . لاعدم ولا خلا

مودتي

ابو ليلى المهلهل

صح الله بدنك

شهاده اعتز فيها يا ابة ليلى ووسام على صدري

اسعدني مرورك الكريم

لك التقدير

قصيدة رائعة يا فارس بني عمرو ..
صح لسانك وطاب حالك ..
تقديري لك ..

ابو زياد عطني صورة العين وابشر اني اسلمك البندق

هههههههه

صح الله بدنك

واسعدني مرورك الكريم

لك التقدير

صح الله بدنك يا ابو ريان

يشرفني ويسعدني تواجدك يا الغالي

لك التقدير