يا سلام الله علي اصحاب الوفا واهل الجميل=الرجال اللي لهم في كل صعب مقدره
يا سلام الله على اللي مالهم وصف ومثيل=لابتي دعوى رجال الحجر سيفٍ نشهره
من ورى الحصبا الى بيشه الى البحر الطويل=لآخر الحد الجنوبي من ضواحي مسفره
ما نشا فينا بخيل ولا نشا فينا ذليل=ولا ذكر منّا وفينا واحدٍ تستصغره
هدينا شرع الله وسنة محمد والخليل=ما سجدنا الا لرب الكون رب المغفره
وعن تعاليم الشريعة لا نحيد ولا نميل=في السنين المجدبه ولا السنين الممطره
وفي الكرم والطيب والمعروف والساس الاصيل=نبعنا نبعٍ من اعذب سلسبيله واطهره
يوم نبدي بالنيامس والمقمع والفتيل=شوفة البندق بغير اكفوف حجري تنكره
لنّها ورثٍ لنا جيل يورثها لجيل=وفعلنا عند الملاقا كل خصمٍ يخبره
يوم جونا اربعميه من فوق هجن وفوق خيل=في السما ناضت بروق والارض راحت مقبره
ويوم نادانا المنادي فزعة لام الجديل=فعلنا في قصر ليّه لعنبو من ينكره
دون نقصٍ في القبايل شانهم ماهو قليل=يظلم الرجال نفسه لو يحاول يحقره
والقصايد يوم اورّدها من الوزن الثقيل=كلها قدرٍ لكم يا اهل الوجيه المسفره
والله اني لو دريت ان بينها حرفٍ هزيل=ما ارتكز في موقفي هذا ولا ارقا منبره
ما مدحت الا جزال ولا نظمت الا جزيل=مدحكم يرقا بشعري يوم اقوله واذكره

وسلامتكم
شعر:خالد بن عبدالله بن مشرف العمري

المشاركة الأصلية كتبت بواسطة أبو ريان (المشاركة 968511) طاب حالك وصح لسانك .. قصيدة شاعر بارع ويمتلك ميزة الكلمة وروعتها .. أنعم وأكرم بقبائل رجال الحجر وكلهم اخوان ويستحقون القصيدة وزود .. أبيض وجه ولك تقديري ..

المشاركة الأصلية كتبت بواسطة المسكت (المشاركة 968528) بيض الله وجهك وصح الله لسانك راائعه بلا شك والف ونعم برجال الحجر إحترامي