منتديات بني عمرو - يهون الدمع ..

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - يهون الدمع .. (https://forum.baniamro.co/showthread.php?t=79180)

يهون الدمع ..

قصيدة أبكتني كثيرا ... طالبة جامعية ترثي صديقتها
... الله يرحمها ويرحم موتى المسلمين أجمعين..

يهون الدمع ..والغربال والضيقات لاتقرين
ويهون الحزن والتجريح بس الموت وش زيّه ؟

لك الله لو تلمّين الضلوع العوج ماتلقين
سوى باقي سوالفنا صباح الشمس للفيّه

ولك الله من خذاك الموت من كفي الين الحين
عجزت اكتب من غيابك الين اليوم ...مرثيّه

سنه مرت وانا كني على باب الفراق سنين
وسنه راحت وانا ادور بعد روحاتها ..../جيّه

زوايا الجامعه..بحث التخرج......اغنية تدرين
بقايا عطرك اللي ماذبحني غيييير طاريّه

ودفتر يحضن ابياتك/ وجوالك قبل تقفين
وبعد هذا تظنين القدر خلآّك...[منسيّه ؟]

يارب اغسل خطاياها وبرّد قبرها / آمين
ووسّع ضيقها ربي.... / كثـر مآصفّت النيّه

لك الله من تحضنك التراب ودثرك للحين
وانا ماني هذيك اللي على خبرك شماليه

..دمتم ..وداموا أحبابكم..

رووووووووووعه وحزينه للغايه
الله يرحمها ويرحم صديقتي وجميع موتى المسلمين اللهم امين
يعطيك العافيه ياطيف

ابيات خارجه من الوجدان

والقليل من الناس من يقدر الصداقه ويخلص بها
http://img104.herosh.com/2011/11/01/445050361.gif

تحياتي

الله يرحمها ويغفرلها ويصبر زميلتها على الفراق المر

زوايا الجامعه..بحث التخرج......اغنية تدرين
بقايا عطرك اللي ماذبحني غيييير طاريّه

ودفتر يحضن ابياتك/ وجوالك قبل تقفين
وبعد هذا تظنين القدر خلآّك...[منسيّه ؟]

يارب اغسل خطاياها وبرّد قبرها / آمين
ووسّع ضيقها ربي.... / كثـر مآصفّت النيّه

لك الله من تحضنك التراب ودثرك للحين
وانا ماني هذيك اللي على خبرك شماليه

لا مست الوااااجدان

يعطيييييكـ العااااافيه

ياهلا وغلا فيكم ..
ولاأراكم الله مكروه ..
تقديري لتواجدكم..