|
! سمو إنسـان !
مســاكم الله بالخيــر ! أسـتأذنكم بهذه المحاولة قصيدة موجهة لمن يستحقها وهم هنــــــــا كُثـــر ,, قابلة للــــرد ! قلت ابتعد ولقيت ما فـ البُعد خيــر نمشـي مع الاول ولا نتبــع لاخيـر وإن ضاقت الدنيــا علينا نستخيــر واللي عقد روسـ الحبــال يحلهــا ------------------------- يا راعي الطيــبـ دام الطيـب والطيبين ودام راس ٍ تعــلّا فـوق هــام السُـحب له فـ البشــر نظرة العاقل بليـّا قصـور محبته في قلوب النــاسـ وقلوب حــور إذا انتخى فيه كفو ٍ جاه في لمح نــون حتى اصبحوا في سموه كلهم ينتخـون يا حي قرم ٍ يدوّر للشــرف والســـمو ماهو بمن يطلب الرقصات والدبكـ له يا ربـ تعجبكم دمتم |
الشاعر واستاذي المهندسـ صح لسانك ياطويل العمر على هذا البوح العظيم وهذه المعاني والدرر الثمينه واشكرك على ان سمحت لي بالرد عليها استلم الرد ،،وعسى الله يجملنا
يامرحبا ياللي إلى العلياء يسير= عطنا من اللي عندك الشئ اليسير = وانا الذي للكلمه الجزله آسير = واللي عقد روس الحبال يحلها= ========================= حنا طوينا دروب الحب والطي يبين = ولا دريت أكمل المشوار ولا انسحب= ياساكنن برجك العاجي وفأعلى القصور= ياكم عشانك شرعنا مظلمات البحور= واحسبنّك على خبري عطوف ٍ حنون= مافكري ان بعد ذاك الود يمكن تخون= حليله اللي جروحه لو شفوا وسموا= وحليل من هو رأف بالداب والداب كله = |
المهندس واسم على مسمّى أبدعت في البدع كعادتك وإذا كنت تعزّني و تقدرني إحذف كلمة محاولة فهي ليست كذلك وإنما هي فنّ و هندسة ,, لعل التواضع غلب على شخصك الكريم وإلا فالوضع عكس ذلك تماما ولعل الخطّاف وجد ظالته بعد غياب الزهراني فأنتما تصلحان ثنائيا راقيا في هذا الفنّ العريق ارجو الإستمرارية فنحن على أعتاب متصفح جبّار مليئ بالدرر والجواهر ,, وسجّلوني أول المتابعين قلبا وقالبا ,, دمتم ودام لنا إبداعكم ,, |
الله اكبر عليكم اساتذه ماشالله تبارك الله ....
المهندس ترا التواضع ماهو هضم النفس الله يعزك ولا يهينك ...!!! |
البدع من شاعر مؤدب جداً ..
والرد من شاعر كله أدب وذوق .. هكذا هم الأساتذة وهكذا هم العمالقة .. لله دركم وصحت السنتكم ويهمنا أن نستمتع بالأداء بعيداً عن أي شئ آخر .. وأنتما بحق ممتعين ورائعين ولا عدمناكم .. تقديري .. |
الخطــافـ .. خطفت الابصــار ايها القدير حضرت فكان لي شرف وجودكـ ,, لا حرمنا الله جودكـ إن استطعت المواصلة معكـ ســأفعل وإن عجزت فلي منكـ قبول العذر ولكـ مني جزيل الشكر وبإذن الله لي عودة صح لســانكـ وجمّل الله حالكـ لكم ارق تحية وارقى امتنانـ |
تسلم بارك الله فيك الله يعطيك العافية
له فـ البشــر نظرة العاقل بليـّا قصـور محبته في قلوب النــاسـ وقلوب حــور إذا انتخى فيه كفو ٍ جاه في لمح نــون حتى اصبحوا في سموه كلهم ينتخـون يا حي قرم ٍ يدوّر للشــرف والســـمو ماهو بمن يطلب الرقصات والدبكـ له |
مشرفنا وشاعرنا الغالي .. ابو فارسـ شكراً لتواجدكم الوافي واطرائكم الشافي نحن بامركم ويهمنا رضــاكم ولكـــــــــــــــن ,, لا تكبــر الهقوة اســـتاذي ربما تكون العين بصيرة واليد قصيرة !! فلا تحمّلوني فوق طاقتي ولا تنشبوني مع الهواميـــــر اوعدكم بالاستمرار مااستطعتـ , والباقي على الله احترامي وتقديري |
الشــاعر اليافـــع والقادم بقووووة ,, صبي بني التيم يسعدني مروركـ ونصيحتكـ مقبولة عساكـ سالم غانم وفالكـ التوفيق كل الشكر |
ابو ريان لو لم احصــد من هذا الموضوع الا شــرف وجودكم لكفــــاني نلنـــا شرف حضوركم ووســـام اشادتكم فلكم جزيل الشكر وفائق الاحترام والله يكفينا شر الخطــاف بسـ تراني سديد اذا شفتها نشبتـ دخلت بين العراضة وخليته لحاله ههههههههه ورود ودهنـ عود |
بن ظافر تقديري لكم مراقبنا الغالي تشرفت بمروركم باركـ الله فيكم لا عدمناكم |
معكـ ايها الخطــافـ ماضونـ ولكن ,, على العلم الغانم والقول المجمّل ان شــاء الله وانت اهل لذلكـ ., اهلين يا الخطــاف يا الســيف السنين يا الله عسى عمركـ على طول السنين جيتوا على حُسـن الكـــلام محسّـــنين واللي عقــــــد روسـ الحبــــال يحلها __________________ يقلـــون بشــــار بعثي ما لبشــــــار ديـــن لا والله إلا مريض وداهـ ! فـ الــروح طب اطلق ســـلاحه على شـــعبه بثلة نســــور الغى مســاجد حماة وحمص بعد الغى دور يســاعدة حزب نصر الله وميشــــيل عون واُحتلّت ارضه ولا اطلق دونها ســاكتون من بعد صـــــــدام عــاد الفرسـ يتنعّمـــوا ليتـه بقي حيّ وإن الشــرق والغـــرب له وسلامة راسكـ |
سعيد بن عوض صبي بني التيم ابوريان بن ظافر اشكر تواجدكم وصح بدنكم وعسانا مانعدم طلّتكم البهيّه وجميعكم على راسي تقديري وفائق ودي المهندسـ والله ان الخوف منك ماهو مني والظاهر انك مثل ما قال الشاعر البيضاني جاي هنا تهاود وتراود مع شاعر عليم وتصفي حسابك معا شاعر قوي هههههه على العموم بيض الله وجهك على هذه البدوع الكايفه وهذا العيار الثقيل الرد
سلمت ياللي يوزن ابياته وزين= وبين المعادن يالذهب مالك وزين= والزين ما بيجي لك الا بكل زين= واللي عقد روس الحبال يحلها= =========================== أهل فلسطين ذاقوا المر ومشردين= ووضعهم مع بني صهيون نار وحطب= وحاصروهم وسووا جدار فاصل وسور= وبعض قاداتنا فيهم عميل وغدور= يا الله تعز ابو متعب خير قائد وعون= دائم مناضل وحكام العرب ساكتون= حكام متسلطين وفي النعيم انعموا= وشعوبهم عاشوا على الفقر والغربله= |
خلووهـــــا .. .. . صح لســانكـ وفالكـ الطيبـ ايها الخطـــافـــ يعيـشـ من علمــه يوفّي شـــــاربه يطيع شــور اللي معه لو شــار به فولاذ قــاسي يعجــز المنشـــار به واللي عقد روسـ الحبـــــال يحلها ______________ الله يحميــــكـ يا الخطــاف والسـامعين للنــاس ربي خلق بـاشا وللبـاشــا رب يحاســبه خالق المعــدوم يوم النشـــور معمّــر أقرب مثـــال ودائـرتهــم تــدور إما حن الله يجيــر ابلادنـا مـ الفتـــون من نعمـة الله عليــنا فـ الديـار آمنــون مليكنــا تـاجنــا والشعب حين أقسمـوا قالـوا معكـ ضد شبّاب الفتن واجهَلـَه * نســأل الله أن يحفظكم شاعرنا ويحفظ بلدنا من كل ســـــوء تقديري * جمع جاهل |
الرد
يا شاعر ن ما جا الخطا من جانبه = يمشي على درب الوفاء ماجانبه = وسيفه المسلول يحمي جانبه= واللي عقد روس الحبال يحلها= ========================= والله اني من نظرة ن وحدة ووسام عين= ماعاد روحي هنيها زاد ولا شرب= ولا لقينا مع اهل العرف حل ن وشور= والعقل ماعاد له في ماجرا لي أي دور= والناس حولي تناظرلي ويتلافتون= يا مهندس بقطع علاقاتي بذاك المنون= وايامي لاعاد تحسبوها ولا تقسموا= الموت ساير في ادروبه ومتجه له= |
| الساعة الآن 09:05 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir