الى نمر ....
 

بسم الله الرحمن الرحيم ..
السلام عليكم ورحمة الله وبركاته ...
الى نمر و خل الفن شقر ... وسير خصمي ... وانا اطلب شعراء المنتدى التواجد للرباعيه الحاميه و البارود ثاير ..
ياول ياول
ذكـر ربـي ثـم اصلّـي وسلم عـالرسول
يــا نـمـر لـو بــه عـلامـات ولا بـه فـروق
كـان قلنـا يـمـكن انّـا بنـجـهـل فـالهـويّه
غير ريت الوسم ذا في جبينك ياسمي.

حياك يا صبي بني التيم
والرباعية ظنتي ان الشعار بيبطون عليك

الرد :


الرسالة بايرة غير ما اشره عالرسول
وسط راسه من لظى سيفنا الحامي فروق
لا تجي للمتلفة وانت رجلك في الهويه
والعتب مرفوع لو شاب راسك يا سمي

الشـــــعار موجودين الله يصلحك
اسمع يــــا ولـــد ...................

مرحبا يالشاعر اللي لفا المعنى دقول
النذل ماهو بمنا ولا الـــرجل الـــسروق
والقوي ما قابل الا بو اعضود(ن) قويه
والضعيف قوته بـــ الــعرج والا الــعمي

كفو كفو ولا عليكم زود ...
دامها كذا فأنا وسعيد بن عوض و نمر و فارس القوم ..
وخلوا البدع لنا انا ونمر عساكم سالمين ....
سعيد بن عوض يا مشرف الشعر عليك بالضهور فقد فقد هتفت باسمك وانت لها ...
انا سابدع باذن الله ويكمل المشرف سعيد بن عوض ...
استلم يا ولد ....
يا نمر بنّي علومك على المعنى وقـول
وان غلطنا فابشروا بالمواجب والحقوق
انشر اعلــومك على قـصدنا في لوّليّه
وارفـعـوا مقوال يا حزّة الـذبـح اضرمي

كانت ثنائية رائعة بين صبي بني التيم و النمر
و نزولا عند رغبة أخينا صبي بني التيم
ولا عليك أمر يا نمر فسوف أكمل معه
ويكمل معك فارس القوم
والليل حامي ,,

حياكم الله جميعا وعالقوة ونتشرف بالمحاورة معكم
يا خويي فارس القوم شد حزاامك



استلم :


حن رجال الحجر والمرجلة فعل وقول
دمنا واحد ولكن تـخْـتـلْـف العروق
من هو اللي نصبك له ترافع في القضية ؟
الحقايق قاصمة والمحقق قاصمي

وينك يا فارس القوم .....
يوم ثورتنا وهيبتنا من الحرب تدفن فتيلك ....
وينك يا رجال في خاطري علوم ودي احشيها فالباروده وثورها ..

السلام عليكم
اسمحوا لي اكمل بدل الاخ فارس القوم


الرد :

الجمل معقول يا سعيد في وسط العقول
ماهو بيهضم حقوق ولا ياخذ عروق
غير نورٍ في القمر يطرب الخفاق ضيه
خوفنا يمحيه هرج العدو ومخاصمي

طيب طيب .. الله يقويكم
متابعون وبقوة

يعطيكم العافية

الله الله ....
ما يضيع الحق وان ضاع نلقى له ذلول
دلّته تشبه دليل الرطب بين العذوق
الخويْ الحق ياخي يحامي عن خويه
والحقيقه في يدينا بسيفٍ حاتمي

قرار رائع يا سيد المواقف ..
من الرائع أن تكمل المحاورة مع صبي بني التيم فانتما الإثنين قمة خلقاً وشعراً ..
بالتوفيق وعساكم على القوة ..
تقديري ..