|
ياوجد حالي وجد عود وشايب
تغيب ما علمتني .. ليه غايب !؟ كنك تعودني على ( غيبتك ) دوم سما غلاك ابطت عليها السحايب وطيور حبك قد لها ماهي تحوم نار الهموم لها ضلوعي حطايب وصدري وجار " ناره افكار وهموم "والشوق" يلفح نارها بالهبايب حتى دفنها طاري بالبعد بالسوم الحب لا جاء ما يجي بالغصايب حتى ولو تفرضه عادات وسلوم والوقت .. جارحني ولاني بطايب ويزيد جرحه جرح يا جعله القوم اخطيت فغيابك وابد منت صايب وما ينهدم حب بنيناه في يوم !! لا جيت لي بسألك ويش انت جايب؟ احس غيباتك وراها لي اعلوم،، يرحمك يا قلب من الحب ذايب،، ويرحمش يا عين جفا موقها النوم،، الدمع منها فوق خدي صبايب،، ارخى مشاهيبه على خدي وسوم،، يا وجد حالي وجد عود وشايب،، لا جاء يقوم تعيي ارجيله يقوم،، جافينه عياله ولا له قرايب،، من عقب ماهو لحاله يناطح القوم،، على الذي هو لوعتي والسبايب،، متنابي الردفين .. بالذوق مفطوم،، صفين رمشه صف جيش وحرايب،، كنها جيوش الفرس في مجابه الروم،، ياما علشانه شعبت الركايب،، ما همني منقود ربعي ولا اللوم،، لا شك دونه .. بالمحبه طلايب،، دونه بني عمه .. على الحايم تحوم،، فإن مت .. من حبي فسود الذوايب،، فالموت حق وكل نفس لها يوم؟ لا شك .. انا باجيه ماني بهايب،، وما قدر الله للفتى جاه ( مقسوم ) " راقت لي للشاعر حمد البريدي" |
عذبة الروح
اختيار ممتع وتواجد هو الاجمل تحياتي |
"شكرا لمرورك الكريم "
|
يسلمو على النقل الراااااااااائع
|
"شكرا للمرور الحلو نورتي يالغلا "
|
نعم الا ختيار الله يعطيك العافية
لا شك دونه .. بالمحبه طلايب،، دونه بني عمه .. على الحايم تحوم،، فإن مت .. من حبي فسود الذوايب،، فالموت حق وكل نفس لها يوم؟ لا شك .. انا باجيه ماني بهايب،، وما قدر الله للفتى جاه ( مقسوم ) |
" بن ظافر " الف شكر للمرور الكريم "
|
| الساعة الآن 07:10 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir