منتديات بني عمرو - ان كان صدتك ثقل وتحسب اني باطيح ! ! !

منتديات بني عمرو (https://forum.baniamro.co/index.php)

- همس القوافي (https://forum.baniamro.co/forumdisplay.php?f=137)

- - ان كان صدتك ثقل وتحسب اني باطيح ! ! ! (https://forum.baniamro.co/showthread.php?t=74946)

ان كان صدتك ثقل وتحسب اني باطيح ! ! !

تجدون القصيدة على الرابط التالي :
.
http://www.rofof.com/5takzy21/An_kan.html
. .
.
ان كان صدتك ثقل وتحسب اني باطيح
عز الله انك بتبطي ما بعـَد طحت انا
.
يا هيه مانيب انا من يستخف ويصيح
ويطرد ورى اللي لحبه ما انثنى وانحنى
.
للحين وانا خفوقي بالمحبة جريح
من واحدٍ راح قدامك يا مال الفنا
.
وفيت له ما ادري انه بالمحبة شحيح
وسميته الحب والمعشوق واغلى ضنا
.
كنت احترق من عذابي واثر قلبه مريح
قلبي تعذب وقلبه عايشٍ في هنا
.
زرعت زرعٍ قفاني فيه عصفٍ وريح
واللي قفاه بزروعه ريحْ ياوش جنا
.
فلاتحسب اني باكرر غلطتي يا مليح
واطرد ورى ناس ما يستاهلون العنا
.
والله لو صرت من سكين هجرك ذبيح
ما اقول وينك لو ان الوصل عندي مُنى
.
والخاتمة خذ كلام من عميلك صريح
باعيد لك ما بنيته لك براس البنا
.
ان كانها منك ثقل وتحسب اني باطيح
عز الله انك بتبطي ما بعد طحت انا !
.
شعر
علي القرني
راجي الوصل

بارك الله فيك يا الغالي

زرعت زرعٍ قفاني فيه عصفٍ وريح
واللي قفاه بزروعه ريحْ ياوش جنا
.
فلاتحسب اني باكرر غلطتي يا مليح
واطرد ورى ناس ما يستاهلون العنا
.
والله لو صرت من سكين هجرك ذبيح
ما اقول وينك لو ان الوصل عندي مُنى
.
والخاتمة خذ كلام من عميلك صريح
باعيد لك ما بنيته لك براس البنا
.
ان كانها منك ثقل وتحسب اني باطيح
عز الله انك بتبطي ما بعد طحت انا !
.

راجي الوصل

صح لسسانك وطاب حالك
قصيدة في قمة الروعه والرقي
لا هنت

الشاعر الغالي على القرني(راجي الوصل)
سلمت ودمت وصح الله لسانك يابعدي
دوماً وانت راائع ودوماً وأنت بمشاعرك تأخذنا الى الجمال
لاعدمناك والله

إحترامي

صح لسانك
قصيده راائعه
الله يسلم يدينك
ويعطيك العافيه