منتديات بني عمرو - عبره وضيقة صدر .. / والموت قدام

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - عبره وضيقة صدر .. / والموت قدام (https://forum.baniamro.co/showthread.php?t=74587)

عبره وضيقة صدر .. / والموت قدام

بالله يا روح الحياه إذكريني
حتى ولو عدا على فراقي أعوام

أنا عجزت أنساك ما عاد فيني
وما لي سوا الشكوى على الله مادام

مكتوب أفارق وأبتعد عن ضنيني
وبعده ثمان سنين مشتاق وأنضام

أذكر وداعك وأكتم اللي يجيني
عبره وضيقة صدر والموت قدام

والله من فكت يدينك يديني
وأقفيتي .. وعيني بها حزن الإيتام

سجنت دمعي يوم غمضت عيني
وصوت الرياح يقول راحت ياسطام

حاولت انبسى وقت بينك وبيني
ويأست من تعويض هذيك الأيام

أنساك ثم أذكرك وأمسك جبيني
أنساك ساعة وأذكرك باقي العام

مشتاق لك .. الا عثى الشوق فيني
ياكم دعيت الله أشوفك بالأحلام

طيفك وهو طيفك !! تكاثر يجيني
وأنا أتوق لشوفته قبل ما انام

بقلبي سؤالن حاير و جاوبيني
يجري بدم القلب صمام صمام

أموت وأعرف هو حنينك حنيني
وإلا غدى سطام مثل أي سطام ؟؟

بقلم الشاعر سطام

ريـــ الجنوب ــاح
اختيارك راااقي وطرح جميل

لا هنت ولا تحرمنا جديدكـ

كل الود ,,

ما سليتك ،

وش نفعني لو أردد آآآه " ليتك " !ليت كنت ، وليتك إنت ، وليت ( ليتك ) !ما حزنت ؟ إلا بكيتك

تسلم بارك الله فيك

طيفك وهو طيفك !! تكاثر يجيني
وأنا أتوق لشوفته قبل ما انام

بقلبي سؤالن حاير و جاوبيني
يجري بدم القلب صمام صمام

أموت وأعرف هو حنينك حنيني
وإلا غدى سطام مثل أي سطام ؟؟