الشاعر الحميدي بن علي الشمري
ماتت امه فكتب هذه الكلمات لها و هي من اروع ما يكون

رحم الله امه و اموات المسلمين و حفظ لنا امهاتنا و لا حرمنا منهم طيلة الدهر

اللهم امين

خايف عليها من الثرى غطاهـا...
وإلا الحصى حامي أخاف أذّاها..
.
أكرم عليها بالكفن يامطـــــوّع...
بالبيت ظل فراشها وغطــــاها..
.
أكرم عليها بالكفـن هذي أمي ...
وأشهد عليها بما عطت يمناها.
.
هذا الضحى والليل يتحرّوها..
هذي السماء ونجومها تنعاها..

هذي السوالف مثلنا تبكيـــــها.
. والأرض تنشد عن أثر لخطاها..

هذي الكبيـــره كبر هذي الدنيا..
هذي العظيمه جل من سواهـا..

أبكي عليها مو نهــــــار وليله..
أبكي عليها كثر ماشالتنـــــــي..
وكثر الحنين اللي أختلط بغناها..

وكثر الاسامي وكثر من سمّوها.
. وكثر النجوم وكثر من يرعاهــا.
.
أبكي عليها من القهر يادنيــــــا..
من لي أنا من لي عقب فرقـاها؟؟

من فتحت عينيّ ماخلتنـــــــــي ..
شوفو ولدها بالقبر خلاها..

هل التراب بوجهها ماقصــــّــــر..
شوفو ولدها كيف هو جازاهــا.
.
لو انها بمكاني ماسوّتهـــــــــــا..
لكن أعزّ عيالها ســــــــــــواها..

يالدود شفها ذابله جنّبها..
أنا ولدها حاضـــــــــرٍ و أفداها..

قطّعني هاك اللي تبي من جسـمي.
. بس امي تكفى لا تجي بحـــــــــــذاها.
.
أوصيك أمانه قل لها تعــــــــــذرني..
وتكفى تروح تحب لي ماطـــاها..

أبيها تغفـــــــــــر لي مثل ماكانت..
كل خطوةٍ منّي تصيبها برضــاها..

يالله عساها بالنعيم الخــــــــــــالد ..
و عسى في جنة عدن سكناهـــــا..

يا فضا هذا الكون ياهو خالي ..
يا ضيق هذي الدنيا يـا مقساهـــــــــا..

يا مُّر طعم فراقها يامــــُّــــــــــــره..
ماني مصدّق أرجع و ماألقــــــاها..

ياليتها ما راحت و خلتنــــــــــــــي..
أو وسّعت لي بالقبر وياها

’’

. .