منتديات بني عمرو - يا طير حظك لا بغيت تطير ما اضناك المطير

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - يا طير حظك لا بغيت تطير ما اضناك المطير (https://forum.baniamro.co/showthread.php?t=73057)

يا طير حظك لا بغيت تطير ما اضناك المطير

يا طير حظك لا بغيت تطير ما اضناك المطير
تنطح صلافيح الهوى من هيبتك وتعوقها !!

وش لك بالارض العابسه والظلم والحظ االفقير
بيض الليالي رخت ارشاها .. وقفت نوقها !!

ما فيك لا برقع ولا لك وكر ولا لك جرير
والله لو اني اياك لآشق السحب وآفوقها !!

لا ضاق صدري .. رحت بلحالي وحثيت المسير
وان ضاق صدرك توكر بروس الجبال وفوقها

شامخ ولك هيبه .. ولك سطوه ولك عزم خطير
واليا نويت الصيده الجزله .. قدرت تبوقها !!

اشبهك في غيك وغيك غير واحساسك عسير
بس اختلف وياك .. فالقدره وفي منطوقها

لا جعت مالي غير مالي .. بين زادي والحصير
ولا انت مخلابك .. يقطع صيدتك وعروقها !!

يا ليت لي جنحانك اللي لو بغت وادي عسير
ما ردها منه سوى منشي السحب وبروقها

انا ادري اني ماني بحاكم بلد ولا أمير !!
لكن افوق الامراء بفكرها وبذوقها

أملك من الاحساس والقدره وتحديد المصير
ما يكفي انه يحل ازمات العرب ووثوقها

لكن حدود العقل والحريه وشوف الصير
كنها تقول الابتعاد احيان .. من منطوقها

ياليت مالي قلب يشعر ويتضايق ثم يغير
ما كان وجهي شحبته الاقنعه وطروقها

عيبي خلقت من الوفا .. بس الزمن ما فيه خير
مثلي مثل ناس ٍ تعيش .. وما توفي حقوقها

مما راق لي

يعطيك العافيه
ومحلا العش و الأستكنان

بن ظافر

الله ما ارقى ما راق لك

اختيارك مفعم بالجمال راقي بكل حالاتك

لا هنت يا غالي ولا ترحمنا هذا التوهج والحظور العطر

كل الود .,,

رائع ما ينقله جمال احساسك الراقي
مااروع جمال نزفك ومااروع تلك الروح
التي تغرد وتنبض بكل الجميل
رائعه هي كلماتك..وخجوله هي مشاعرك
يامبدع النزف فكل الحب والتقدير ازفه لروحك العذبه
وأملي ان اشتم كل عطر فواح يأتي من ابياتك الجميله
مودتي وتقديري

capitano.. اسعدني مرورك الكريم بارك الله فيك

عمري ولا احد قدي.. تــســلــم وتــد وم يا الغالي الله يعطيك العافية

اميرة الجنوب.. مما يشرفني هو مرورك وكلماتك الغالية الله يعطيك العافية