لا باس يا خادم البيتين والسنّه=ربي يحفْظك لنا من كل الاخطاري
والله يعيدك لنا في حال يرضنّه=الشعب واحبابك اتنوّر لنا الداري
ويا خافقي بالسلامة للملك هنّه=واهده من الودّ بستانٍ من ازهاري
ويا هاجسي بالمثايل والشّعر دنّه=ألماس وامن الجواهر عدّ واختاري
لعيون ابو متعب الشهم الكفو عنّه=يستاهل الكفو ديوانٍ من اشعاري
الكل يغليه من قلبه وفا لانّه=صافي النوايا لشعبه حلّ واسفاري
الجود راعيه والافعال من فنّه=باني حضارة وطنّا علم واعماري
مرسي العدالة و ما خيّب لنا ظِنّه=دستورها شرع ربي منهلٍ جاري
يرفق بحال المواطن حيل ويحنّه=من جور دنياه وما في رفع الاسعاري
حامل لوا العزّ في حربٍ وكم شنّه=ضد اهل الارهاب واهل الفسق والعاري
لجل الامن يستتب ابلا عنا وحَنّه=والكل ينعم بعيشة ما بها اكداري
واحمدك يا ربنا يا راعي المنّه=عالدين و الامن واما الخير فانهاري
يالله وانا طالبك بالخير تجزنّه=وتجنّبه كيد حسّاده والاشراري
واجعلْه ووالدْه واخوانه فيَ الجنّه=والمسلمين وتنجّيهم من الناري

المشاركة الأصلية كتبت بواسطة المهاجروغصب عنه (المشاركة 841575) صح لسانك وسلم بنانك شاعر جدير بالمتابعه دمت ودام عزك

صح بدنك يا غالي و عساك تسلم من كل شر

و\اشكرك على طيب مرورك ,,

المشاركة الأصلية كتبت بواسطة capitano (المشاركة 841585) ما شاءالله ..يعطيك العافيه وما نقول الا آميـــــــن يارب