|
اسمع يالشيبااااااااااااااااااااني !!
رباعية وأرجو الإستمرارية من الأخوة الشعراء يكمل معي الرادار أو جاسر الغراني أو دكتور المنتدا اللي يسبق منهم ويشرفني ذلك !! والشيباني يختار من يكمل معه ,, ( البدع ) = يا مرحبا ومسهلا با حبابنا اللي خطر= إعداد ما هلّت امزون البرد والمطر= وان كان بعض العرب يمشي بسكّة خطر= والدهر يومين يومن لك ويومن عليك= %%%%%%%%%%%%%%%%%%%%= هبّت ارياح الشعر يا مثايل ورّدي= وبلّغي من يدعي انه زعيمٍ للشعر= وانا عارف بانّه يسمع ندانا ويدرج حوله= يحضر يعجّل ينازل عسى انّه قدّها= |
بارك الله فيك يا أبو سعيد ، ونشكر لك هذه المشاركة وهذه الدعوة .. والله يجملنا وإياكم .. ( الرد ) سمحان لا من بدت له علت(ن) ما هدر إلا بصوت(ن) يروج الجو ثم انهدر واللاعب اللي يسجّل فرصته ما هدر والدهر يومين يوم لك ويوم عليك نحمد الله ما نخاوي رخوم ولا ردي وما نعير السيف لرقابنا واللاش عِر الرجال اللي على منهج الحق انجحو له يوم راعي الحق شاف الدروب وقدّها |
موال
لك البقا يازميل له مكان وقدر شاعر والى ما نوى فك المعقد قدر والوقت جاير ونومن كلنا بالقدر والدهر يومين يوم لك ويومن عليك البدع هلت امزون المطر واثمر العود الندي لين راعي الحب زود علينا في السعر وانا لي في ساحة المعرفة جولة وصوله لكن احن الخلايق ولا ابحث سدها |
الرد حيا الله الشاعر اللى لا اختفينا ظهر يا شاعر ما يخلي الفرض فجر وظهر ادري ان وسمي محله باقي ٍ في الظهر والدهر يومين.... ليه تتحدا زميلك وليه تعندي مادريت اني بوردك في وسط السعر الشعر له ناس تدري بقانونه واصوله والطفيليه هبينا لها ما سدها |
( البدع )= شتنان يا بعد ما بين الثريا وثرا= ويا بعد فقر ٍ هزيل ٍ ما يجاري ثرا= مستقبلك يالرسايل فاهي امعثّرا= والدهر يومين يوم لك و يوم عليك= %%%%%%%%%%%%%%%%%%%= جيت يا ارفيق السعد يا عضيدي و مسندي= مثل من ياقف بعالي الشفا ينظر قعر= ما حسبنا في الزمن عدلته ولا ميوله= كان بعض الناس تهجم فيلطم خدّها= |
أعتذر على التأخير ، ولكني شفت الاخوان أبطوا فقلت : قد تكون الثانية مثل الأوله .. الله يحييكم جميعاً ، وأحيي الشاعرين القديرين : الرادار والشيباني ، والله يجملنا وإياكم للحكمة والكلمة الطيبة . المسقوي في بلادي ماهو امع الثرى شتّان في حبّها مجموع ومنثّرا والطين يثّر عليها كيف ما يثّرا والدهر يومين ( يومٍ لك ، ويومٍ عليك ) ********** لو تركّيتوا على الونعم أصبح مسندي وآتجنّب لاهي الناس قيم و منقعر يوم شفت الكفو مهما صنع للقوم يوله * يبحث الآخدود مهما يكلّف خدّها * ( أي : أتوا له ) |
موال
يا سعيد انا عارف انك ما تناظر ورى وانا معك في كلام الطيب واسمع واراء اقولها من صميم القلب والله درى والدهر يومين يوم لك ويوم عليك البدع فرقوا بين الثريا وما بين الجدي واحذروا سلك الدروب الخطيرة والوعر قبلكم ضلعين ما يلقا فيها سهوله واقفه ع العز والطيب ماحدن هدها |
أعجبني طرحكم صراحه مالي دخل بس جيت وفي نفس الوقت ملقووف " موال " بدخل مجاراتكم في ثورة المنتدى للشاعر اللي بسيف الشعر حده بدى ياسعيد صوتي مع لشعار كله صدى والدهر يومين يوم لك ويوم عليك " الرد " أسمك الردار وألا تحول جدي يازميلي أرتفع سوقهم في واعر في دروب الدين نمشى وفيها السهوله مشيت اللي تنعرف في الخطا هدها |
اسف على التاخير.. ومن اليوم شدو الحيل وابشرو بالسعد الرد حيا الله الشاعر الي موتره بنشرا جات العلوم وسواليف العرب تنشرا اشوف بنتك تباع الليل ما تنشرا...؟؟ والدهر يومين يوم لك ويوم عليك جاكم الاسعاف يامن طلبتو المنجدي والقصايد طيبه ما حصل زلٍ وعار ياسعيد الضلع ماهو مثيل ارض السهوله والنفوس الغارمه بالتحدي هدها.. |
( البدع )= عندي فنون القوافي مانت تدري بها= خلْها علينا ندّرسها وتدريبها= حقايقٍ كم تخفّيها وتدري بها*= والدهر يومين يوم لك ويوم عليك= %%%%%%%%%%%%%%%%%%%= كم لضلع ٍ والدناميت له بالمرصدي= عهده ابعمره قويم ٍ وإذابه منشعر= كلما ظن انْه صامل غدوا به واعرقوا له= والمعدّات الثقيله يقضّه حدّها= تدري بها = تدرج بها |
عوافي والله ..
صحيتوا والله يعطيكم العافية .. تقديري .. |
اقتباس:
الله يعافيك ويصحّ بدنك أبا ر يان وأشكرك على مرورك الغالي ,, |
( الـرد ) لبيات ما زانت الا عند تهذيبها مثل الجواهر ومثل اللول هذي بها والضلع شل الجراوى جنبها ذيبها والدهر يومين يومٍ لك ويومٍ عليك الرصيد اللي معك ما يساوي مرصدي مرصدي شاعر وغيري فلا به من شِعـِر رافق المجنون ما دام جنّه قد رقوا له حِدّها قبل الفضايح دخيلك حِدّها |
موال
سفينتك في البحر مازالت تجريبها واما دروب الخطا ما اظن تجري بها لكن يلزمك في الشدات تجريبها والدهر يومين يومٍ لك ويومٍ عليك البدع كم ذيبٍ في الخلاء شل صوته ويعدي لكن الى سمع صوت النيامس ينذعر والهدف نقطع مع اهل الطلب في البر جولة والمحيطات اعرف اجزورها من مدها |
الرد الهرجه اللي معاك ودوم تهري بها تشكي قلوب العرب من قولته ريبها علم البضاعه مع جاسر وتهريبها والدهر يومين ... انت كنك مقتدى الصدر وانا بو عدي واللذي يخطي على الخلق لازم يعتذر واليمين اللي بها بيرق اعلوم الرجوله في محلات الشرف يحتمي من..مدها |
| الساعة الآن 10:52 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir