منتديات بني عمرو - بعض القصيد ينفع راعيه

هذا واحد مولع بالمقناص والروحات والجيات والله يوم ان الرجال جاء وقت الشتاء وجو ربعه بيطلعون يقنصون قال ابي اروح معكم قالوا له اعز من جاء

المهم الرجال عسكري ويبي ياخذ اجازه...راح للقايد وقاله ياطويل العمر انا ابي اجازه وبطلع وعندي شغل ومن ذا الكلام

القايد رفض وقاله والله لو راسك وستين سيف مافيه اجازه

قام الرجال وراح بيتهم وكلم ربعه قال مروووني بروح معكم ولاعندي في احد.........

وكتب رساله لزميله وقاله........

خذ القبعه والبدل والبساطير........وسلم عليهم وقلهم يفصلوني

ماتركت الخدمه من اهمال وتقصير.....لاكن هبوب الليل هيج شجوني

ااحب القنص وملاعب الطير.....وجلسه مع ناس ما يعافوني

وسلم على القايد وقله تحيه وتقدير.....وقله على طلوع الصبح لا يحتروني

وقام خويه وسلم الرساله هذي للقايد يوم قراها

انتظر الرجال ويوم رجع من المقناص قاله القايد

تعال....ليه تغيب ومن ذا الكلام قال ياطويل

العمر الرساله وصلتك قاله القايد نعم قال

اعذرني يا طويل العمر

قاله القايد معذور وماراح نعاقبك ولاعاد تعودها

وسمح له بسبب الرساله

وسلامتكم