منتديات بني عمرو

الصدر ضاق وحاير الدمع دفاق
من ناظرن من حاير الدمع مرهوق

دمع تكبه عين عاشق ومشتاق
ارعد سماها بالغضب ومطر الموق

الا سفح من فوق الاوجان وانساق
يسيل منه معيلت مرتع النوق

محدن رحمني يوم الاقدار غراق
منجور دمعات تكسر بصندوق

صدر من الفرقاء رمع فيه دقاق
وجس معاليق الحشا يشعلن فوق

فاذا بغيت ادله تذكرت الافراق
طفلا على شل المعاليق مطفوق

طفلا نقل بالزين غضات الاعناق
عزالله انه طالني منه ملحوق

في مامضا دنياي جتلي بالاوفاق
وردت عددهن قبل ماهوب مطروق

جيت الحبيب داله بالكرى راق
ومجوهرات امبيسمه ذقتهن ذوق

يوم انتبه لي صاحبي بعد مافاق
اصبح يعاتبني على الغدر والبوق

يقول مامثلك للجواد سراق
ولانت على هذا من الناس مسبوق

قلت ارحمو من زاركم ماله ارفاق
وروس الافاعي بالقدم حطهن سوق

ماله رفيق وبه يضيقن الافاق
واذا جفيتو مايبي كل مخلوق

فطلق حجاجه وبدل الوجه بشراق
وافتر عن بيضاء تكاشف بها اوراق

فنهن سقاني كاس خمرا بترياق
زود على ماصار بالغدر مسروق

احباب لحباب تعاطف بالارياق
وارواح تحيا بين عاشق ومعشوق

هو حط ذرعانه لي افراش وارواق
وانا لويت العضد لمعنقه طوق

ثوبه نظيف ولاوطى فيه عشاق
وثوب الخنا يجوز به كل منطوق

قصيدة للامير /محمد الاحمد السديري