منتديات بني عمرو

فمان الجرح لا والله فمان احزاني الكبرى
فمان اغلى ثلاث سنين متّ بها عشان اعيش
فمان الحب واحلام القلوب البيض والخضرا
فمان الآه من كثر الزعل والشوق والتطنيش
فمان عيونك اللي مالها بين العيون أخرى
فمان غرورك اللي علم الطاووس نفش الريش
فمان عطورك اللي تسكن انفاسي وبالاحرى
!!فمان انفاسك اللي تسكن عطوري ومدري ليش
فمان الليل واحضان الدفى ومصاحب القمرة
فمان الباب والشباك يوم نواعدك ونطيش
فمان التوت والرمان واحلى فاكهة حمرا
فمان الضحكة اللي كنها من مبسمك بقشيش
فمان غيابك للي ماترك لمواصلك بشرى
فمان الشك وظنون الخطا والكذب والتشويش
فمان الله ياقلبي مع انك جرح مايبرى
كتب ربي اعيش من دونك وانا ماعيش