منتديات بني عمرو - جوري وكمبودي وعنبر ويشموم

هذه القصيدة اعجبني الوصف الدقيق فيها ويعجبني عندما

يقصد الشاعر مايعنيه تماماً

لو لا اللثام اللي على الوجه ملموم
كان النحل يجني مقابيس فمها

جوري وكمبودي وعنبر ويشموم

ماهوب شي ٍ عند بنة نسمها

والعود متناسق ومزوي ومزموم

وجرت خطاها مثل جرت قلمها

كله بكوم وطقت الخطوه بكوم

تهزها من راسها لا قدمها

سكرة من شوفه ولا احيط واقوم

حطم مقاييس الجمال وهدمها

اللي لها في داخل القلب مرسوم

رزت على اطراف المحاني علمها

وانكف بعد ماصابني منه بسهوم

ولاعاد أميز حالتي من عدمها

يحرم علي طرد الهوى حرم زقوم

مع غيرها لو ان ربي قسمها

حلفت يادرب الهوى عنه ماشوم

يوم العرب ماهيب ترخص شيمها

خوالها شمـــر وعمانها بقـــوم

حازت من انساب الجزيره قممها

ومن لامني ياعل ماهوب مرحوم

اللي عجز عن علتي مافهمها

عساه في درب العنا دايم الدوم

وجعل المنيه مايفوته سهمها

تكفى يابوتركي ترا اخوك مضيوم

حسبي على اللي حالتي مارحمها

ارسلت لك خطي على الظرف مختوم

وساع البريد اللي طبعها ختمها

مما راق لي