|
مرقوق نجديه لريانه العود
الليله بعد رحلة البر اشتهينا مرقوق وحطيت لريانه العود لانها تحبه:) وسويته بطريقه خاصه وبالخضار يجنن بالعافيه على قلبك ريانه :) تفضلي |
تسلم ايديك ياعسل
|
ماشاء الله عليك
الله يمتعك بالصحة والعافية أنا من رأي تكلمون الإدارة تسوي لكم كتاب الكتروني خاص بطبخاتكم طبخات بنات بني عمر الله لايضرك نجديه تقبلي فائق التقدير |
ماشاءالله عليك نجديه
وش هالسنع والحركااااااااات الله يعطيييك آلف ع ـافيييه ياارب ودي لكِ |
اني قلت لكم من اول والله يا نجديه انها سنعه سنعه:bigsmile:
تسلم يدك و بالعافيه يا ريوووونه ياعسوله |
اووووووه
ماشالله تبارك الله المرقوق الي امس والله انه ماخلص الا قبل اذان المغرب بشويه مدري وش السالفه وزيد تراني ماسويت عجينه عشان مالي حيل اخذت العجينه الجاهزه حقة القرصان ههههه بس عيت تخلص وطلع فيها شكل وطعم الله يكرم الحلال مشكوره عيد خشمك بس ماهبتي لنا طريقتك |
اقتباس:
هلافيك أم غلا ... نورتي حبيبتي |
اقتباس:
وإياك ياهند ...الله يسلمك حببتي وأتمنى فعلا يكون فيه كتاب الكتروني وأكيد الاداره مارح يقصرون لوتمت مطالبتهم بذلك .. هند اشكر حضورك الراقي |
اقتباس:
الله يعافي قلبك حبيبتي .. ابشرك صرت أحب المطبخ :) نورتي حبيبتي |
اقتباس:
فديتك نوارتنا:) يسلم قلبك..نورتي حبيبتي |
اقتباس:
ياهلا وغلا .. تعالي عندي الله يحيك واعلمك الطريقه ع الهواء مباشره :) طريقته سهله .. المقادير خضار الموجود عندك +بصل+ثوم+طماط +لحم+بهارات+ملح+اقراص المرقوق الطريقه تحمسين البصل والثوم ثم تضيفي اللحم وتحركيه الين يتغير لونه تضيفي البهارات ومعجون طماط ملعقه بس +طماط مفروم ثم تحركيه خمس دقائق تضيفي الماء المغلي ويترك حتى يستوي اللحم .. ثم تضيفي الخضار اذاكان فيه جزر وفاصوليا تضاف اول لمدة عشر دقائق ثم الباقي من الخضار مع اقراص المرقوق .. وهنا السر :)اذاكنتي بالرياض يوجد ببساتين القصيم اقراص المطازيز المدوره أنا استعملها مع المرقوق تضيفيها وتتركيها حتى تستوي تماما ..واذاتحبي الفلفل الحار حطي حبتين وبالهناء والعافيه على قلبك |
كيف مرقوق اسود ؟؟؟؟؟
|
اقتباس:
اسود يالسفير ..سلامة نظرك ... |
يعني بني غامق جدا ؟؟
|
والله هذالمرقوق اللي نعرفه ..الله يصلحك لازم تخرب علينا :(
ماصدقنا نصير طباخات |
| الساعة الآن 02:58 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir