ساهر لخدمتكم فاجعل جيبك مفتوح
 

كاميرات "ساهر" ترصد المخالفين للمرور على بعد 70 كيلومتراً

سبق – الرياض: أكدت مصادر بالإدارة العامة للمرور أن كاميرات المرور التي تم وضعها في طرقات وتقاطعات مدينة الرياض ذات إمكانية عالية في التقاط المخالفين وتصويرهم على بعد 70 كيلو متراً، مؤكداً بأنه يستفاد من هذه الكاميرات في التقاط متجاوزي السرعة القانونية في الطرق السريعة والدائري.


وأضاف المصدر بأنه على قائدي المركبات اتباع تعليمات المرور وعدم إغفالها خصوصاً في تجاوز السرعة القانونية وربط حزام الأمان وقطع إشارات المرور وكذلك ربط حزام الأمان، مضيفاً بأن الكاميرات تم وضعها في عدة مواقع ومنها على اللوحات وأخرى على أشارات المرور وكذلك على الأرض بالقرب من أشارات المرور وجزء آخر على مركبات متحركة.


وكان مرور الرياض طبق نظام ساهر الأسبوع الماضي لضبط تحركات المركبات بنظام الكاميرات ورصدها عن طريق مركز المعلومات بوزارة الداخلية.

رابط ذو صله بالموضوع :

http://forum.baniamro.com/t54197.html

الله يقوي وزارة الداخليه
احسن خبر سمعته .. وعقبال ما يلعنون جدف كل من يخالف النظام
للاسف النظام عندنا متفلت .. قطع الاشارات صار عينك عينك والحوادث عندنا بالهبل.. حتى العمالة صارت تقطع الاشارات ولا يهمها احد .. لا وتلقاه قاطع الاشارة وهو يكلم بعد .. يعني شين وقوي عين
طبعا غير الشعب اللي ما شاء الله عليه .. ينتظرون بس يصدرون الانظمة علشان يطبقونها من زود الحرص ..!!
الوضع عندنا دماار .. الواحد ما ياصل مشواره الا وهو مرتفع ضغطه
يسلمووو يوسف على هالطرح
اطيب التمنيات لك

بصراحة ... انا مع ساهر وعساهم ع القوة ... وعقبال ما يطبق في جميع مناطق المملكة

وانا لا حظت من عنوان الموضوع ان هناك عدم رضا من قبل شخصك الكريم ... وقد تكون وجهة نظر واحترمها على كل حال ...!!!

بس قسم بالله مدري كيف انت باقي سالم من سواقة عرب عندكم في الرياض ... يسوقون فكروا انهم فوق الارض وهم عليها !!!

إحترامي

يارجال زحمة الرياض الاسبوعين الماضيه ثري دبل والسبب ساهر
جمعوهم في الشوارع وعند الاشارات وجلسو يدقونها سوالف وسببو زحمات
مع الرغم المفروض إنه يعطي السير احقيته وافضليته بتصرف منه هو العسكري
السيارات في الاشارات وخاصه اللي مريت بها انا على طريق خريص تتقفل الاشاره بالسيارات وتفتح الاشاره الثانيه والشارع مقفل من الاشارة الاولى وماتسمع الا الازعاج والبواري والطريق مسدود علماً بأنه لو وقف العسكري دقيقه إضافيه او احكم الاشاره لأنتهت الزحمه لكن تقول إنها تعجبهم الزحمه واصوات البواري
وزحمة الرياض ماتنطاق صراحه

على العموم اهلاً بكل شي في صالح المواطن وبالذات في نظام السير

soosoo

جعلك سالمه وغانمه اختي الكريمه
والله يااختي انها السالفه عكسيه على المواطن المسكين واللي عنده واسطه والله ماترصد عليه وتلغى خلال 24 ساعه ..!!
عموماً انا مع النظام اذا طبق على الجميع ..
اما على شخص دون شخص فلا يجوز ..

تقديري واحترامي ..

جبرني الوقت

ولله الحمد والنعمه وابغاك تذكر الله بعد ,, اني اسوق بسلام في الرياض , واهل الرياض بسم الله عليهم صح انهم متهورين غير بأخلاق ..
اصرف من بعض المدن يلف عليك ياجبرني ويطلع من القزاز يلعن شكلك ههههههههه وهو الغلطان ..

عموماً اعود لتعقيبك ...
بما انك نظامي كذا وفلوسك كثيره أجل الله يسعدك شف عندي قسايم بأحولها على حسابك ..
بصراحه أنت نظامي كويس هههههههههه

تقديري واحترامي لسموك يالكاش ..!!

المسكت

حياك الله يالغالي
واهلاً بمداخلتك الكريمة
وهذا مايسمونه التشغيل الفعلي لأنطلاق النظام والتوعيه به ..

لكن وينهم عن شوارع التفحيط في الرياض !!
اينهم عن شوارع المقاومات والأستعراض ..؟

والله انا مع النظام لكن صدقوني أن تضموا اصواتكم لصوتي بعد شهر من الأن ..

تقديري واحترامي للجميع ..

ساهر نظام جديد للمرور ويعتبر ممتاز ورائع لأجل الحد من المخالفات ..
ولكن أتمنى أن لا يكون هذا النظام الجديد بحاجة إلى تنظيم والأمل بأن يكون مدروس بشكل تام قبل إقراره ..
كل التقدير ..

السلام عليكم ورحمة الله وبركاته
هذا النظام الذي مسماه القاهر أسف اقصد ساهر أقرب مايشبهه بالمطاط يعني على ناس دون ناس
يعني اللي له ظهر سلم اما اللي الله يرحم الحال ماعنه وعن النظام


عسى الله يبدل الحال

ابومانع

حياك الله يالغالي
اشكرك على المداخله
لاعدمتك
ولك تقديري واحترامي ..

ابو ريان
حياك الله يالغالي
وبالنسبه للنظام فابصم لك على العشره أنه مدروس..!!
لكن الله يعين ياصاحبي

تقديري واحترامي لسموك ..

صحيح انه يحد من المخالفات ولكنه في النهاية

عبارة عن مشرووع مربح ........شكرا يوسف