اذا الوطن لمواطنينه كوابـــــــــــيس *** بيحس بالغربة من مواطنينه

تعبت وانا اعيش خلف الكوالـــــيس *** ويسند بدوري لأتفه ممثلينه

أمتر الشارع وأكيل الدواعـــــــيس *** وأسال زماني كم بقى من سنينه

ياتل قلبي تلة الهجن فالريــــــــــس *** والا البعير اللي حنينه .. حنينه

أو تل قرناس مابين القرانــــــــيس *** مانزلوا من قيمته شابكينه

تشبه نسانيس الصحاري نسانـيس *** مكيفات بيوت اهل المدينه

الأولة : حسب ظروف التضاريس *** والثانية : حسب ظروف المكينه

ترى الحياة العامرة بالنوامـــــيس *** هوى الفقير اللي عيونه حزينه

اليا امتلك حاجه بعينه .. لأبالـيس *** صاحوا : ورى مايملك براحتينه

لو قصرت كفه عن الكسب أو ليس *** من حقه انه يمتلكها بعينه

ثورة تمني فعلتها الهواجـــــــيس *** ثارت على قلة كفاءة يدينه

وأنا قريت ان الغني فالقوامــيس *** مثل الفقر رغم اختلاف الثنينه

ان الفقير اللي ماعنده احاسـيس *** وان الغني اللي رضوا والدينه

كلام من واقع لكن فيه تلبــــيس *** يحتاج فكر نقحته السكينه

زكاتكم واجب يا صرارة الكـيس *** وشعوركم زنديق يا مألهينه

يقول سيدنا الخضر تقدر تقــيس *** لانتاج مما تحتويه الخزينه

ولو قال اعضاء التجارة مفاليس *** قلنا حلال الناس من مالكينه

هدهد سبأ أسلم على يده بلقـيس *** وفرعون ألحد شعب كامل بدينه

يا كوكب الأرض الخلايق متاعيس *** بحورك غزار وجبالك متينه

هاجر الى حد النجوم المناكـيس *** لا يدمرونك بالحسد والضغينه

المجتمع اما قضاه أو جواسيس *** وش هي حدود الشرع يا مطبقينه

على سفينه نوح من كل جلـيس *** سلام تجري به رياح السفينه