منتديات بني عمرو - صمت الشوق العمري

هذه قصيده كتيتها بعد موقف حصل لي..

يابري حالي لــو حبيبي تشـــــرّه ** وأقفى وعينـــــــي تستمر بنظرها

وألقى على قلبي حمـــــول مُضِرّه ** لو شــــــــــالها قلبـه وعقله نثرها

بدري عليـــك النــوم لكـــن تحرّه ** وإفتح حسابك واعطه أغلى دررها

يابري حالي كل مـــــــا شلـت درّه ** وأعطـي حبيب ما يواصل مدرها

باسقي عروقــــه كل ما نــــام مرّه ** وأنسى همـــومي كلها ذي دمرها

أيام راحت قبل عـــــــــــامين مرّه ** عشت التعـب والشد والحط كرها

أيام جعل الشين يقصــــــــر وشرّه ** ويعيش عمـره في متاعب دهرها

قفت وصـــــدت والفرس فـي مقرّه ** والبعـــــد والتقريب شيء جبرها

لا والله الا عفــــــــــت كـل المسرّه ** والعين نـــامت بعد حدّت سهرها

ياخاطري خذ لــك مع الزيـــن كرّه ** وإشرح فؤادك واستــــعد لسفرها

وانسه وطــــالع كــــــــل نجم تمرّه ** عله يــــــودع عينك اللـي قهرها

وإنس المساري وإنس طرده وخرّه ** وانس السنين الماضية واحتقرها

روّح بدربك فــي بحـــــــوره وبرّه ** وإياك تعطــــي لـه مجال يزرها

إبعد عنه لو تطلب المـــــــوت فرّه ** وإجهد بنفسك حيل وإهزم جمرها

خله يعــــوّد لك وتقـــــدر تــــجرّه ** وإعطه دروس الحب كي يفتكرها

خله يولّــي في ديـــــــــــــار تغرّه ** ويروح مــــــن دنياه شايل خبرها

لكن ضميـــــــــري قال لازم تمرّه ** واتقول حبك زال بابسط صورها

وابحث لغيره لو تشيـــل المجرّه ** والطف بروحك وإغترف من نهرها

وإسأل عنه بعدين وابــحث مقرّه ** وإرسل غرامك شوق له وانتصرها

وياخاطري خذ لك مع الزين فرّه ** وإشرح فؤادك واعطه أغلى زهرها