بدع مبارك (الرادار)----=---
بين السماء والأرض لدت نظرها=ما خافت الله يا ابن الأجواد فينا
مدري جمالك في رسومك سحرها=والا تبي بعيونها تبتلينا
ماتدري الشاعر بينشر خبرها=حتى الفضاء خافيه باكر يبينا
إن كان نهج أهل المحبة غدرها=يا ويحها لا وقعت في يدينا
وان كنت يا ابن الناس جيت بخبرها=عطني خبر واعطيك علم ثمينا
----=-----
رد الشاعر المجهول --------=--------
يالشاعر اللي نظرته ماسترها=الموقف اللي شفت يحكم علينا
وناس بدون احساس هذا قدرها=تراقب العالم يسار اويمينا
بين النجوم السامرات او قمرها=تاهت عيون الحاسدين اوسرينا
والشاعر اللي قافياته سطرها=عمري وربعه كلهم غانمينا
يا العمري اسواق بها من عمرها=مضمون فيها مانبيع اوشرينا
وإذا ثمانك زايده عن عشرها=لفكارك احنا يااجودي ماقرينا
بعض المواقف تنتهي من عصرها=واحنا قبل ترسل قصيدك نسينا
من حج واذنب قال بعد ان خسرها=ياليتنا من حجنا سالمينا
-----=-------
رد مبارك (الرادار)=-------:
جتني بيوت الشعر بأحلى صورها=فيها مفاهيم الكلام السمينا
في ساعة جزل المعاني احتضرها=والله يكفينا من الحاسدينا
وانا ادري إنك ناوي تحتكرها=مثل احتكار البدو صحراء سينا
لكن لو سندتها بتحدرها=جينابها قبلك ورحنا وجينا
جده تغانوا بدوها من حضرها=عروس بحر وللمحبين مينا
لاشك بعض الناس تاخذ حذرها=والحرص واجب عند رجل فطينا
ما خسر من عصم المعاني نشرها=المشكلة من خسر دنيا ودينا
دام البحور يدلها من عبرها=نصبر ولو جارت علينا السنينا
وارسل بيوت الشعر لك واختصرها=واثق وعندي في كلامي يقينا