منتديات بني عمرو - مجاراة بطريقة جديدة الشاعر الرادار وعبدالله بوسفر

عبدالله
يامبارك شر وشاور,لازهمتك وانت حاضر=ولالتزم كفك بكفي ,ماعلينا ماعلينا
الزمان اللحف عبيه,عالصبي قبل الصبيه=والله ان ماهوب شفي,غير مدري وش خذينا
اللي ادري عن علومه,قام ينحاني بلومه=مادرا وش في الملفي,لانسينا ماكلينا
يامبارك واش رايك,وايش رايك يامبارك=ابدي العله واخفي,وانت دكتور يقينا
ويالله انا طالبينك,ياالذي ماتنام عينك=اكفني من شر حلفي,يامعين الصابرينا
والزمن شره وخيره,كالرحاه المستديره=كنها تهفي وتلفي,يامعينا يامعينا
مبارك :
يا عبدالله لا تناظر,لا ظلمتك وانت شاعر=لا احتدم صفك بصفي,ما غزينا ما غزينا
لاتحط الشك فية,وانت تجهل فالخفية=الشعر ماهوب لفي,عارفينة من سنينا
العدو اعرف سلومه,لانوى ايفسر حلومه=يرتبع خلف المقفي,لابدينا مايبينا
ياعبدالله وين دارك,ويش دارك للمعارك=كن حوض العد جفي,مايورد لاضمينا
انت يابن الناس وينك,كان تبغانا نعينك=حن من قوم نوفي,مانحب الايمينا
واطلب الله واستخيره,واحسب اعلوم كثيرة=كان ماوصلك يكفي,لاتحط الشك فينا
عبدالله :
اعلم ان الشك زايل,وانت من روس القبايل=لرتكا كتفك بكتفي,ينزح الضلع المتينا
من خلوف الوقت علمي,للي ماقرّو بسلمي=لين حتي الريق نشفي,مايبون الناصحينا
الحكم منا ومنا,عن بعضها ماتعنا=كنها تجفا وتضفي,مالها دنيا ودينا
مبارك :
لاتوشون الفتايل,مابعد جات الدلايل=الجنا جاله مصفي,ليتنا ماقد جنينا
من يشاهد زين فلمي,ماعرف تفسير حلمي=شفت رجال معفي,رايح الجيزة وسينا
بيدة السيف المحنا,في جفيرة مايسنا=مالسيوف اللي تحفي,بطنة وظهره سنينا