ودّي اترجم علومي واحب الترجمات=
وانا ماني لك مترجم واحب الترجمة=
افتني يا ولد صالح يا شيخ الترجمان=
افتني عن حد باريس ولا( ا)سويسره=
وافتني عنها الدول ويش كبر(ا)سويسرا=
والذهب ماهوب لونه بلون (ا)سويسري=
تلتفت عيني واعد النيازك والنجوم=
واظلمت عيني وكني مضيع نجمها=
وفي ثواني شفت لمحة خطوط الناجمي=
يا سعيّد ضيقة الصدر تاخذ من شبابي=
واشتعل راسي بشيبة ورمش العين شاب=

شفت كبر السيل لا مر وادي ترج مات=
من حنين السيل في مدقله وتّر جمه=
اعبر الوادي واريّح ترا في ترج امان=
مرحبا باللي تهنا وله يسوي سره=
ليتني مرتاح في دنيتي واسوي سرا=
إن يمد الله بعمري فصار اسوي سري=
من يون بديرته صار حاله ون جوم=
المنجم لو ينجم تبعثر نجمها =
والخطر يكمن بتصديق علم الناجمي=
ما التفت للي غمزلي ولو علمه شبابي=
نظرت الشايب صويبة وعدت عين شاب=

صح لسانك يا خشعني ولسان أبو ريان
ومشكورين على الطلات الحلوه اللي دائماً تنورون بها القسم
ورحله موفقة إن شاء الله إلى باريس بس نصيحتي لا تروحون الأيام هذي
يقلون عندهم سبر وضباب ولا يبصر الواحد مد أيده