ما برد عزمي ولا غيّر لهيب الحب لوني
.......................... دام لي قلبٍ من عروق الوفا يسقي وريده
والهوى حظ ونصيب ودمعتي عذرا جفوني
.......................... وللجفون سلوم والدمعه تخاف من النقيده
ليه يا من تتقنين الدور في مسرح عيوني
.......................... ما حسبتي غيبة اللي لا نوى الغيبه .؟ فقيده
وليه لا عزّمت ابنسى من على الدنيا نسوني
.......................... ما ذكرت الا انتي وجرحٍ مساحاته عديده
ليت عذرك عن وفاك وغلطتك يمحي شجوني
.......................... وليت لي قلبٍ بدون احساس واحكامه شديده
كنت اظنك ما تعيشين العمر لحظه بدوني
.......................... واثر ما للظن غير اللوم ولحون القصيده
اذكريني .. كل ما فاضت عيونك وإفقدوني
.......................... وكلّ ما دمعك نشد خدك وقال .. شصار بإيده
واذكريني .. لا غزا البرد الضلوع وما لقوني
.......................... ولا جبرك الوقت في ممشاه واطباعك عنيده
واذكريني .. كل ما جاتك من العالم لحوني
.......................... عقب ما كنتي من لساني تعرفين الجديده
واذكريني .. كل ما احتجتي تخونيني .! وخوني
.......................... في غيابي .. كل ذكرى بيننا كانت سعيده
والا انا لا من ذكرتك .. ما ذكرت الا طعوني
.......................... فالزمان اللي تجمّعنا به الله لا يعيده
ما ربحت الا جفاك وما خسرت الا جنوني
.......................... ولا بعد هذا سوى النسيان و الفرقا الاكيده
سامح الله غلطة احساسي قبل غلطة عيوني
.......................... وسامح الله هاجسي في ما هدا لك من رصيده
لو ظنوني يوم واحد تشعر بخيبة ظنوني
.......................... ما يصير الحزن سيد الصدر وافراحي عبيده
سمّح الله درب كلّ اللي على الضيقه حدوني
.......................... لين صرت اواجه الايام في بسمه وحيده


لــ/ شآعرهآ .. ناصر مناحي‎ http://www.wilah.com/vb/images/smilies/27712711.png

.
.
.