|
دنياك يالإنسان غرفه صغيره
دنياك يالأنسان غرفة صغـــــــــيرة = غرفة لها بابين مدخل ومخـــــــــراج
ولا كما مركب بوسط البحــــــــيره = ولا سفينه سايره فوق الأمـــــــــــواج فأحذر مطامعها تراها خطــــــــيره = من طاعها ترميه في داخل الصـــــــاج وأحسب حسابات الزمن والمســـيرة = وأعمل لروحك داخل الحفرة ســــراج والعمر يمضي والرجاء فيه خـــــيره = والموت ما عنا ولا عنه مـــــــــــدراج والآدمي لو كان يعلم مصــــــــــيره = ما كان منظوره على الفايته مــــــــاج والعين وإن كانت من أول بصــــيره = لابد من يومٍ يجي شوفها عجـــــــاج والرجل وأن صارت يدينه قصــــيره = لا يرمي بروحه على رجل منعــــــاج والمنعوج لا ترتجي يوم خـــــــــيره = الغش له مطلب وعاده ومنهـــــــــاج وترى الصديق اللي علومه كثـــــيره = لابد يتسبب على وجهك إحـــــــراج وأن كان صابك بعض الأحيان حيره = وأصبحت لأهل الشور والعرف محتـــاج دور لصاحب معرفه تستشــــــــيره = رجلٍ حكيمٍ وتلتقي شوره عـــــــــلاج وإن كان زادت فتنتك وســــط ديره = شد الرحال لديرةٍ ما بها أبــــــــــراج والمال لو راعيه ما هو يــــــــــديره = يضيع جلّه بين طامع وهــــــــــــراج والذيب لو كل الغنم في حضــــــيره = وأصحابها حطوا على بيتها سيـــــاج ما كان ذاك الذيب حصل بصــــيره = وأصتاد في سود الليالي له نعــــــــاج |
دنياك يالأنسان غرفة صغـــــــــيرة = غرفة لها بابين مدخل ومخـــــــــراج
ابو محمد / يعطيك العافيه ما قصرت وليت كل واحد ياخذ عبرة من هذه الدنيا 0 دمت بخير 0 |
سلمت يا الغالي بارك الله فيك دور لصاحب معرفه تستشــــــــيره = رجلٍ حكيمٍ وتلتقي شوره عـــــــــلاج وإن كان زادت فتنتك وســــط ديره = شد الرحال لديرةٍ ما بها أبــــــــــراج والمال لو راعيه ما هو يــــــــــديره = يضيع جلّه بين طامع وهــــــــــــراج والذيب لو كل الغنم في حضــــــيره = وأصحابها حطوا على بيتها سيـــــاج ما كان ذاك الذيب حصل بصــــيره = وأصتاد في سود الليالي له نعــــــــاج |
غرمان بن عزيز
بيض الله وجهك على هذه الدّرر ... ونسأل الله العفو والعافية ... أسجل إعجابي بهذه القصيدة وانتظر القادم بكل شوق ... إحترامي |
الاخ الغالي / أبو فهد . الله يسلمك ويعطيك العافية على هذا المرور الطيب وعساك ذخر 0
الأخ الغالي / أبو ظافر . سلمت ودمت وعسى الله يوفق الجميع لما يحب ويرضى 0 الأخ الغالي / جبرني الوقت . أشكرك على شعورك الجميل ومرورك الأجمل ولا خلى ولا عدم 0 |
وأحسب حسابات الزمن والمســـيرة = وأعمل لروحك داخل الحفرة ســــراج صح لسانك ابو محمد قصيده فيها الكثير من النصائح الرائعه تقبل مودتي ابو عبدالله |
اقتباس:
الله يسلمك ويسعدك يا ابو عبدالله على هذا المرور الطيب لكن مذا سنع الأماصير والكبدان اللي في التوقيع هههههههههههه 0 |
غرمان بن عزيز ..
لله درك قصيدة تحمل الحكمة في موضوعها والرصانة في حبكها .. شاعر قدير ولا غرابة الله يعطيك العافية .. لك التقدير .. |
غرمان بن عزيز
كلمات جميلة ومعاني رائعه بيض الله وجهك وصح لساانك روعه عسى ربي يحفظك ويخليك ولا تحرمنا جميل ما عندك يا غالي. احتراامي. |
اقتباس:
يعطيك العافية يا أبو ريان على المرور الجميل وعساك تسلم 0 |
اقتباس:
ألف شكر لك ياغالي على مرورك الكريم وعساك ذخر 0 |
| الساعة الآن 01:52 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir