|
مضاربة العزوبيه
بسم الله الرحمن الرحيم السلام عليكم ورحمة الله وبركاته نشرت لكم ترانيم من عام 1394-1395هـ وكانت الردود مشجعه اني اعطيكم تجربة اخرى ولكن هذه المره بعد مضاربة حصلت في العزبه عام 1395هـ مالي فيها دخل ومع ذلك اخذت نصيبي منها0 الحقيقة لا اذكر التفاصيل ولكن اذكر فعلا الحادثه والعتب على كبر السن ولقيت هذه القصيده سويتها في حينها علما ان المزاعله لم تدم اكثر من عشر دقائق من بعد توقف اطلاق النار فقلت: يالله يامطلوب يارحمنِِِ 0000 اعوذ بك من شر بعض الناسِ واعوذ بك من ساعة ما ترحم 0000 سيطر عليها الفاسق الخناس حط المشاكل بيننا في العزبه 0000 على امور مالها من ساسِ ظلت صحون العزبة المبروكة 0000 بجدارها وببابها المتراسي عديت وافرع بينهم واصلحهم 0000 الى (حذايين) العرب في راسي والى العرب ماهم بذولا اعرفهم 0000 ما بينهم شر شديد الباسي عودت قلت ابعد وخلك سالم 0000 لا عاد تدخل ياصليب الراسي فاصل الخصيمه كلها ما تسوى 0000 واصل السبب تافه ولا له ساسي ولما انتهوا من خصمهم والفتنه 0000 ووقفوا من الضرب والدواسي قلت وشبكم ياربعنا وش فيكم 0000 ما صار في ذا اليوم والله قاسي كلٍ يورد حجته وش عنده 0000 واطلّع المخطيء انا باحساسي ولما عرفنا المخطيء المتسبب 0000 قلنا تنكل يا عصابة راسي اما تنكل ترضي المجموعة 0000 ولاتعاود فعلة الانجاسي ولا فخذ عفشك وفارق عنا 0000 خليتنا في موقف منحاسي قام وتنكل وانتصب عشانا 0000 من مطعم اسمه ابو النواسي ولما تعشينا ورحت ابغى ارقد 0000 ما نمت من كثرة( زعارم ) راسي وسلامتكم حذايين : احذيه زعارم : تورمات مفردها زعريمه |
جميلة منك يا أبو فهد
يقول المثل : ( في ويه الفراع دايم ) |
ههههههههههههه
اضحكتني يابو فهد وعسى الزعاريم راحت من راسك تقديري واحترامي لشخصك الكريم |
هانتر الجنوب
شكرا لمرورك يالغالي والفراع يستاهل غير ابشرك تركتهم حتى عاف كل واحد منهم الاخر ثم اصلحت بينهم ونكلنا المخطيء وعشانا حبة دجاج مع قتلها ( اي مع توابعها )0 |
عاشق ثرى الديره
شكرا لمرورك الكريم والزعاريم من زمان راحت ابشرك 0 |
الله يعطيك العافيه ومشكور
|
ابو فهد رائعه الله يعافيك
اعجبتني زعارم الراس الله يكفينا شر الوحوش اللي ساكن معهم تحياتي ابو فهد لا عدمنااااك |
ابو دايل
شكرا لمرورك يالغالي 0 |
ابو فهد العمري
ههههههههههههههههههه اضحكتني اضحك الله سنك ... يا جدي انت جوهرة ثمينة في هذا المنتدى واعجبني ما قرأت وخصوصا البيت هذا ... عديت وافرع بينهم واصلحهم ---- الى (حذايين) العرب في راسي صح لسانك لا هنت بيض الله وجهك ... إحترامي |
عمري ولا احد قدي
اشكر لك مرورك الكريم اما الزعارم فاكيد اعجبتك لانها في راسي ماهي في راسك 0والوحوش اللي كنت معهم فنعم وحوش ونعم الوحوش اي والله ولا افضلهم عليك قوة وشجاعة واخوة في زمن الفقر والجوع 0 |
جبرني الوقت
ادام الله افراحك ابني الكريم 00اما الحذايين فصدقني تقول طيور ومن كل ناحيه ليتها من جهه حتى اتوقى لكن الله يسامحهم 0 شكرا لمرورك الكريم 0 |
ابو فهد
قصيده رائعة جدا وامااحلى طبيعة الانسان ذكرتنا بالماضي ايام الطفولة والشباب اتمنى لك السلامة في المرات القادمه بس لاتقعد في العزبه هههههههههههههههههه تقبل مروري |
صح السانك يا بوفهد
أثاريك زي ما قالوا البدو ( عود ) ما شاء الله عليك قصايدك قبل ما اخلق ,, تحيه طيبة يا غالي وعساك ما عاد تشوف زعريمة ,, |
زعارم راسي.... ههههههههههههههههههههههههههههه
صح لسانك |
ابدعت وكنت راائع
شكراُ ابو فهد ولاعدمنااك احترامي |
| الساعة الآن 03:23 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir