|
مُعـلقـة الـراتـب
مـانـي متـابـع للسـيـاسـة والأخـبــار ***** ولا همـنـي أوبـامـا ولافــوز ماكـيـن ولا همنـي وش قـال حسنـي وبشـا ر ***** وما همنـي لـو زادوا الهنـد والصيـن وما همني لو سـوق الأمـوال منهـار ***** وماهمنـي لـو كـان خسـروا ملايـيـن ماهمنـي الا راتـبـي ذا الشـهـر طــار ***** كلـه صرفتـه يـوم خمسـة وعشريـن بعثرت مدخولـي علـى يميـن ويسـار ***** وقـعـدت وعـيـالـي نـصـفّـق بكـفـيـن 1300 عــلـــى طـــــول فـإيـــجـــار ***** و400 مـصـروف جــوال فــي زيــن و 1150 فـــــي شــركـــة إعــمـــار ***** قـرض ٍ أخذتـه وشفطـوه الشياطـيـن و1100 تجـديـد وأتـعــاب سـمـسـار ***** عندي استمارة مطوفة حـول عاميـن و400 فـاتــورة الــمــاء والأنــــوار ***** حـتـى ولــو كـنّـا لـلأنــوار مطـفـيـن وأمـــا 800 بـســوي بــهــا الــكــار ***** سـيــارة ٍ جـربــا ثــــلاث وثـمـانـيـن لا شمـة الراتـب يجيـهـا كـمـا الــزار ***** تنفـض مكينتهـا كمـا نفـض بوكليـن وام العيـال تصيـح يـا زوجـي الـبـار ***** هذا الشهر عندي في القصر عرسين احتاج انـا فستـان مـن عشـرة امتـار ***** وأفصـلـه يــا فـالـح الــراي بألـفـيـن وأخر مئـة بتـروح فـي جيـب كومـار ***** الحارس الهنـدي عسـى فالـه الشيـن ويـقـول مــا تكفـيـه للفـلـفـل الـحــار ***** زعـلان يبـغـى فوقـهـا زود خمسـيـن وزادت معانـاتـي مــع زود الأسـعـار ***** أصبـح مثـل مـا قيـل طـاق ٍ بطاقـيـن أزمـــة مسـويـهـا مـداهــن وتــجــار ***** وراحوا ضحيتها الضعوف المساكين منحـاش مـن نـار ٍ وطبيـت فـي نـار ***** ويا ويل حـظ اللـي وقـع بيـن ناريـن وإن الجمل صابر على الضيم صبّـار ***** وان طاح تكثـر فـي جنوبـه سكاكيـن أبديت ما في الصدر من هم واسـرار ***** بأقـولـهـا واخـلــي الـخـافـي يـبـيــن يـا شيوخنـا لا لا تغضـون الأبـصـار ***** صار المواطن يشكي العسـر والديـن وانتـم بـه ادرى ياطويلـيـن الأعـمـار ***** بالله عليكـم شوفـوا الوضـع بالعـيـن منقولة لكم من إيميلي وإن شاء الله إنها أعجبتكم .... وأن لا تكون مكررة |
بن شفياء
صراحه قمة تشكر على نقلها 0 |
اقتباس:
القمة ... حضورك في موضوعي ..... تحياتي إلك |
سعيد بن شفياء
مشكووور ..انا أول مره أقراءها وفعلاً قصيده جاده تحاكي لسان حال الكثيرين من الشعـب . تقبل شكري |
اقتباس:
|
منحـاش مـن نـار ٍ وطبيـت فـي نـار ***** ويا ويل حـظ اللـي وقـع بيـن ناريـن
وإن الجمل صابر على الضيم صبّـار ***** وان طاح تكثـر فـي جنوبـه سكاكيـن صح لسانك وبيض الله وجهك يا غالي رائعه بكل ماتحمله كلمة روعه من معاني لا عدمناك ولا تحرمنا جميل ماعندك . تقبل تحياتي . |
رائعه ياسعيد وهذا حال الكثير نسأل الله أن تزين الاحوال
شكراً لك ولاعدمنااك |
اقتباس:
|
اقتباس:
ثانيا يعطيك العافية ..... ومرورك وإشادتك بالنقل والقصيدة .... يعتبر تمييز لموضوعي .... تحياتي |
رائعه يابو سيف الله يعطيك العافيه ويعينا على الدنيا
|
| الساعة الآن 05:10 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir