لك من عميد الحرب والضرب والنار = اجمل تحية يا عميد القصايد
حاولت ابكتب يا علي فيك الاشعار = والمشكلة نظم الشعر فيك كايد
لانّك كما غيم(ن) بالابداع مدرار = وسيدّ ولك شعر(ن) على الشعر سايد
بس الوكاد انّي من ايّام محتار = يا ويش ابكتب وانت نبع الفرايد
ان قلت شاعر زاد للشعر مقدار = وان قلت رايد فانت مخلوق رايد
انجبك ديوان العرب شيخ شعّار = مثل الكرم يوم انجب الشيخ زايد
تبقى وغيرك لا مضى وقت ينهار = تاج الشعر ما لمّعتك الجرايد
مشكور يا مطنوخ وان صار ما صار = شفني على يمناك وقت الشدايد

هلا هلا مليار يضرب بمليار = يا صل صدى صيته جميع البدايد
حيّيت يا رمز الشيم حرّ الاحرار = ليث الوغا الوثّاب يوم الوقايد
هامة بني عمرو عريضين الاشبار = شهد لها التاريخ قبل الشهايد
انتم هل المعروف والطيب والكار = والجود وعهود الوفا والعوايد
ولدتوا انصار(ن) ولا زلتوا انصار = مشايخ الجنّة حماة العقايد
جتني بيوت(ن) كنّها لول محّار = صفّوه صافي للغواني قلايد
لو غير عبدالله وقف غير مختار = لكن تطيع المبدعين العنايد
تنصاع له تقدير واصغت له اكبار = تعرض عليه المفردات الجدايد
واقبل تحيّة من شذا غضّ الازهار = طلّت عليها الشمس بعد البرايد

المشاركة الأصلية كتبت بواسطة سيــف العرب (المشاركة 640818) سلمت يمين الناقل وصح الله لسان القايل عائض شداد بيض الله وجهك ولاهنت على ايرد هذه الجزايل تحياتي وتقديري

المشاركة الأصلية كتبت بواسطة ابن السهوه (المشاركة 642933) بيض الله وجهك يا خوي عايض شداد كل التقدير لك وللاخ عبدالله طالع قصيده اكثر من ممتازه تقبل مروري زميل دراسه