|
هل تقبلين بزوج راتبه 2000 ريال "" للنقاش
موضوع جدا حساس هل تقبلين بزوج راتبه 2000ريال "" للنقاش
كلنا يعرف الظروف التي نمر بها .. في الوقت الحالي من عطاله وبطاله ... وطبعاً أغلب الوظائف " الجديده " إن لم تكن كلها .. براتب لا يتجاوز الـ 2000ريال سعودي .. وإن زاد وصل 3000ريال فهل هذا المبلغ قادر على .. أن يزوج الشاب ... ويتتم به نصف دينه ؟؟ وهل تقبلين بزوج يمتلك هذا الراتب ؟؟؟؟؟ ملاحظة :- جداً مهمه .. نريد إجابات واقعيه ويقبل بِها العقل ...[/CENTER][/I][/COLOR] |
بصراحه و بواقعيه ماراح اقبل الا بشروط مثلا ان يكون ساكن مع اهله ماعندي مشكله اني اسكن مع اهله لانه بيشيل عنه حمل الايجار و مصاريف كثير وبيكون قريب من ابوه بعدين الرسول صلى الله عليه و سلم قال ((تزوجوا فقراء يغنكم الله )) و الرازق في السماء سبحانه اهم شي انه يحبني و يحترمني , وش ابغى بواحد يجيبلي كل شي اطلبه بس ما يقدرني و لا يعتبرني الا مثل الجدار؟؟!
|
شوف اذ انا احبووووو وهو كمان يحبني :blush-ani والله لو راتبه 100 ريال مااعندي اي مشكله << تقدر حاجه اسمها حب :10_9_208[ شكرا روح |
موضوع جميل يا روح القصيد وخاصة انه يحكي وضع اغلب الشباب هذه الايام
اسال الله العلي الكريم ان يرزق الجميع من واسع فضله تحياتي لك ولقلمك |
قصه قرأتها لاحد الشباب يقول ان راتبه 5000 ويدفع ديون للبنوك اللي تسلف منها للزواج مبلغ 2600 ربال شهريا زياده على ايجار البيت 1500 ريال يعني يبقا له 900 ريال
البنت صبرت شويه لكنها هجت في الاخير وطلبت الطلاق هذا وهي 5000 ريال اجل لو هي 2000 او 3000 وش بيسوي ؟ انا اقول لو العريس يكون التقييم الوحيد له هو راتبه فلا والله ما هو عريس الهنا ولا يصلح ابدا لكن الرجل اذا تقدم للبنت فهم يقبلون الرجل والانسان والشخص اللي بيكون حصن الامان لبنتهم ويقيم معها اسره سعيده تعينه ويعاونها والرزق من عند الله وكم من رجل بدا حياته من الصفر واغناه الله من وسع اذن وخلاصة الكلام الرجل يتقدم لخطبة البنت كرجل وليس كمحفظه او حساب في البنك . |
لآهنت على الطرح .. وأنا وجهه نظري أذا رجآل كفوو وبيكون سند لي ويسعدني .. ماتهمني فلووس الدنيآ كلها .. |
انا بكل صراحه لا انصح بذلك
الا اذا كان المنزل ملك والسيارة ملك والزوجة تصرف على نفسها ولا يجيب اطفال ولا يفكر يسافر ولا يحاول يعزم احد لان الخروف مع الطبخ 1500ريال يعني الله يخلف على 500 بتروح فواكه وحلى بصراحه المصاريف تكسر الظهر ليس هناك مقومات للنجاح مادياً مع متطلبات العصر ابو عبدالله |
اقتباس:
حاااسبهااا زين الباشا :d |
روح القصيد مشكور يالغالي دايما مواضعيك مميزه لك تحياتي
شوف بعض البنات ماعندها مشكله بالفلوس وكمان راح تساعده بس بعضهم تقولها راتب مو 2000 او 3000 لا 7000 تقول لا مااابيه ابي ضابط عشان راتب كثير وللاسف في بنات ينظرون للظباط عشان السمعه والراتب والله والله اني اعرف ناس عايشيييين على راتب اقل من 3000 وعندهم عيال بس صراحه فيه بيت ملك ولكن وربي انهم مبسطويين لانه المرآأه مقتنعه فيه اهم شي البنت تكون مقتنعه والله انه فيه ناس متزوجيين من كباريه وراتب زين وانه طعم السعاده مو فيههم مشاكل المهم الراتب مو كل شي الرازق الله اهم شي الحب الحب الحب الحب الحب ؟ لكم تحياتي |
روح القصيد يعطيك العافيه عالموضوع ......
أنا بصراحه ممكن ارضى لكن بشروط انو يكون رجال شخصيته تمام واخلاقه تمام هذا اولا .. ثانيا : يكون عنده سياره ملك طبعا وبيت ملك او يكن عند اهله ماعندي مشاكل ... ثالثا:وهو المهم يكون يحبني واحبه ويكون تعامله معاي باحتراام ولا ليه باتحمل واشقى مع واحد ماتجذبني له اي روابط سوى اني زوجته ... وبعدين ان شالله ربي بييسرها ويفرجها علينا وبيتغير الوضع مع الايام .... تحياتتي........ |
الحالة تختلف من شخص الى الأخر يعتمد ذلك على نواحي اخرى غير الراتب كما ذكر الأخوان والأخوات سابقاً ، لكن يجب ان نضع في البال أن الأحلام الورديه التى تسبق الزواج تتلاشى بعده وتصطدم بالواقع المر للحياة وما فيها من غلاء المعيشة بكل جوانبها . أجد ان ما ذكرته الأخت نواااااره عين الصواب وإن كنت أعتقد انه فعلاً ليس هناك مقومات للنجاح مادياً مع متطلبات العصر مثل ماذكر الاخ صالح آل سلمان والسبب في ذلك انه في ضل غلاء المهور وشروط العروس ومتطلبات العرس المبالغ فيها من قصر افراح الى فستان العرس الى كوشة العروس الى مسكة العروس الى جهاز الليز مع البخار اثناء الزفة الى كوافيره الى طقاقات الديجيه الى الذبائح الى بوفيه مفتوح الى العصير بمختلف انواعه الى المكسرات والحلى الى طرطة العروس ذات الأدوار المتعدده الى التصوير الفوتوغرافي الى عرض بانوراما عن حياة العريس والعروس من الطفولة الى ذلك اليوم الذي اصبح يوم النكبة للعريس . هذا ما يحدث في المدن ونحمد الله ان الزواج في الديره لازال بخير وان كنا نسمع ان مثل هذه المظاهر بدأت تنتشر هناك . بالأمس القريب حضرنا زواج احد الشباب في الديرة وكان ماتردد في اوساط النساء ان العروس احضرت كوافيره بـ 4000 ريال نعم اربعة الاف ريال وهذا من باب المفاخرة !!! والسؤال هنا / هل سيجد الشاب في بداية المشوار فتاة تعينه على تيسير امور الزواج والرضى بالقليل فضلاً عن كم يكون الراتب ؟ وفي الختام اشكر الاخ روح القصيد على طرح الموضوع |
صالح ال سلمان
حرام عليك كيف الشاب يقدر في هالوقت يجيب بيت ملك و راتب كويس !! لازم نساعد الشباب على اكمال نصف دينهم و الا لازم البنت تتزوج شايب عشان تأمن مستقبلها ؟؟! يجب الا ننظر الى الزواج بنظره ماديه فقط والا لاتلومون الشباب اذا راحوا للحرام والا تزوجوا اجنبيات والرجال مخابر و ليسوا مظاهر |
موضوع شيق ومهم
من وجهة نظري لو كنت فتاه وتقدم لي شاب راتبه 2000 ريال فلا اعتقد انني سوف اقبل به ولو كان من اصحاب قمم الاخلاق لعدة اسباب اهمها وحتى لو وجد الحب الكبير والاحترام الا محدود المعيشه ستكون مره جدا الى درجة انها قد تلغي الحب والاحترام متطلبات الحياه صعبه جدا وحتى هذه الفتاه التي قبلت به زوجا ابسط متطلباتها لن تستطيع الحصول عليها انا لا اعتقد ان حبه الكبير لها سوف يغنيها عن وجبة عشاء مشبعه او وجية غداء ايضا او ان تكون في مناسبه وهي بملابس رثه اكل عليها الزمن وشرب ثانيا الاولاد وياااااا الله يا هم الاولاد ومصاريفهم ومرضهم المظلوم الوحيد في هذا الموضوع هو الشاب هو المسكين هو الفقير اما بنت الناس فليست مجبوره ان تعيش عيشة الحرمان وليس كل الشباب عندهم رواتب عاليه ومنحطين اخلاقيا الفتاه لديها خيارات عده افترض لو تقدم لها شابين بنفس مستوى الاخلاق والادب والاحترام ولكن الفرق بينهما هو الراتب فبالعقل والمنطق صاحب الراتب الاعلى هو الاجدر ومن المستحيل انه لا يوجد الا هذا الشاب الذي راتبه 2000 ريال مستحيل اخيرا انا اقول للبنات الواقع مر جدا والانجراف ورا المثاليات والاحلام الورديه ليس لها وجود في حاضرنا هذا بالعربي ذا معه فلوس خذيه وذا ما معه ربك يكتفل به منتي مجبوره عليه ولا امرك سبحانه وتعالى تاخذينه والا بتكفرين خلووووووووووووووكم واقعيين |
لا ماراح اوافق
معليش يعني وش بتجي 2000 ريال هي اجار شقة والا مصروف بيت وسيارة والا فواتير |
تختلف الأوضاع حسب العائله وحسب البلد(2000 فى الديره مش زى فى جده)
هذا شى و الى يستخير (تستخير) الله >>ربى ما يخييبه(ها)...(تستشير ملك الملوك عالم الغيب و الشهاده) |
| الساعة الآن 10:15 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir